TAGUMPAY ang isinagawang 5th BEST Swim Challenge – FINIS Short Course Swimming Competition – at kabuuang 44 tankers ang ginawaran ng Most Outstanding Swimmer (MOS) awards kamakailan sa Philippine Columbian Association (PCA) swimming pool sa Plaza Dilao, Paco, Manila.

Hataw sina 2019 Royal Bangkok Swimming Championship medallists Behrouz Mohammad Mojdeh ng Parañaque Killerwhale at Kyzel Del Rosario ng Babiera Aqua Pro Swimming Team na nakasungkit ng MOS awards sa kani-kanilang dibisyon.

Nakalikom si Mojdeh ng 48 puntos para angkinin ang MOS sa boys’ 8-year category habang humirit si Del Rosario ng 40 puntos para pangunahan ang girls’ 8-year class.

Olympian boxer Eumir Marcial, di nagpatalo kay Carlos Yulo, nag-crop top na rin!

Tinanghal ding MOS awardee sina Sophia Rose Garra (7), Dastain Dy Cabinta (8), Angelina Gole (9), Trisha Peres (10), Jenn Albreicht Sermonia (11), Amina Mondonedo (12), Iris Justine Salagubang (13), Micai Trinidad (14), Kathrine Azores (15) at Christine De Luna (17) sa girls’ Class AB.

Nangibabaw sa boys’ Class AB, sina Emman Dionido (7), Hugh Parto (9), Augustin Mendoza (10), Brendan Vinas (11), Coby Rivilla (12), Jheullan So (13), Albert Sermonia II (14), Sean Vizcarra (15) at Renz Savalbaro (16) sa dalawang araw na torneo na itinataguyod ng Glorious Blend, Swim League Philippines, Swimming Pinas at Behrouz Persian Cuisine.

Hataw sa Class C/Motivational sina Xhyrille Valenzuela, Emman Dionido, Earlson Landicho, Jan Rey Aquino, David Buenavista, Antonio Ortiz, Prince Flores, Frederick Larona, Lance Tejero, Jorg Maligat at Isaac Arabes sa boys at sina Kylee Magtangob, Jacci Valdez, Clara Maligat, Mary Mikayle Bautista, Rhianne Aquino, Cara Martinez, Raine Calata, Maralianne Montera, Marcia Ferrer, Christine Aplaon at Kathrine Azores.

Sa open class, nanguna sa listahan sina Swimming Pinas standouts Marcus Johannes De Kam (Male Highest FINA Pointer for Open Category) at Micaela Jasmine Mojdeh (Female Highest FINA Pointer for Open Category).

Nagtala si De Kam ng 621 FINA points sa 200m freestyle habang nakalikom naman si Mojdeh ng 557 FINA points sa 100m butterfly event.

Sina Peter Cyrus Dean ng Quezon Killer Whale Swim Team (Male Highest FINA Points for Open Category) at Shinloa San Diego ng San Pedro Swim Team (Female Highest FINA Points for Open Category) naman ang ginawaran sa 12-under class.

Wagi naman sa 13-over sina Shaenna Marie Andal ng Quezon Killer Whale Swim Team (Female Highest FINA Points for Open Category) at Male Christian Leyno ng Dipolog Swim Team (Male Highest FINA Points for Open Category).