GINAPI ng Zamboanga Family’s Brand Sardines ang Valenzuela-Carga Backload Solutions, 85-78, nitong Martes para patatagin ang kampanya na makakuha ng playoff sa 2019-20 Chooks-to-Go/MPBL Lakan Season sa Bahayang Pag-asa Gym sa Valenzuela City.

Naghabol sa 19 puntos, 76-57, naisalpak ni Jayson Varilla ang three-pointer may 7:38 ang nalalabi sa fourth quarter para ibangon ang Valenzuela. Pinangunahan ng dating UE stalwart ang 8-0 run para maibaba ang bentahe ng Zamboanga sa 76-65.

Ngunit, nagbalik ang wisyo ng Zamboanga sa pamumuno ni Alvin Pasaol na kumana ng krusyal na puntos sa huling apat na minuto ng laro.

Hataw si Pasaol sa naiskor na 24 puntos, siyam na rebounds at apat na assists para ibigay sa Zamboanga ang ikatlong sunod na panalo para sa 16-10 record sa Southern Division.

Nag-ambag si Santi Santillan ng 14 puntos at pitong boards, habang kumana si Anton Asistio ng 11 puntos, tampok ang dalawang triples.

Nanguna si Paolo Hubalde sa Valenzuela na may 16 puntos, siyam na rebounds, at anim na assists.

Kumana Allan Santos ng 12 puntos at pitong boards, habang tumapos sina Varilla at Poligrates ng 12 at 10 markers, ayon sa pagkakasunod.

Iskor:

Zamboanga Family’s Brand Sardines (85) –Pasaol 22, Santillan 14, Reyes 12, Asistio 11, Manzo 7, Black 6, Villamor 4, Rono 4, Thiele 2, Bonsubre 1, Morido 0, de Vera 0

Valenzuela-Carga Backload Solutions (78) – Hubalde 16, Varilla 12, Santos 12, Poligrates 10, Acuna 8, Mabigat 6, Ruaya 4, Diego 4, Sta. Maria 3, Ricafort 2, Gimpayan 1, Martinez 0, Kalaw 0, Armenion 0,

Quarterscores: 21-18, 45-35, 71-55, 85-78