HINDI mapigilan si Filipino Fide Master Alekhine Nouri matapos niyang pangunahan ang Romans 828 Chess Team sa kampeonato ng Wah Seong Penang Chess League 2019.
Ang 2-day (Dec.14 - 15, 2019) rapid event na ipinatupad ang 15mins + 10secs time control format ay naganap sa Red Rock Hotel sa Penang, Malaysia.
Tinalo ni Alekhine si International Master Awam Wahono ng Indonesia para rendahan ang Romans 828 Chess Team sa 2.5-1.5 win kontra sa Raja Murjah sa eight at final round.
Tumapos ang Romans 828 Chess Team ng seven wins at one draw na may 15 game points sa eight outings.
Bukod kay board 3 gold medallist Alekhine, kasama din sa koponan ay sina top board player International Master Haridas Pascua, board 2 gold medallist International Master Hamed Nouri at board 4 player Singh Eshwant.
