Mas maraming pasabog sa pagtatapos ng 'The Killer Bride'-Balita

SA nalalapit na pagtatapos ng The Killer Bride teleserye sa 2020 ni Maja Salvador ay inamin nitong marami pang aabangan ang manonood dahil maraming pasabog pa ang magaganap.

Pinasalamatan ng lead actress ng TKB ang lahat ng tumulong para maging maingay sa social media at print media ang serye nila dahil lagi itong napag-uusapan ng lahat at inabangan ang journey nina Camila (Maja), Vito (Geoff Eigenmann), Emma (Janella Salvador), at Elias (Joshua Garcia).

Sa tumatakbong kuwento ng The Killer Bride ay nabunyag nang si Alice (Precious Lara Quigaman) ang killer at ang groom ay iisa dahilan para sama-sama nilang patumbahin ang kinakatakutang kalaban sa nalalapit na pagtatapos ng serye.

Tuluyan ng tinapos ang espekulasyon ng mga manonood noong Biyernes (Disyembre 13) sa paglitaw ni Alice bilang ang killer groom na walang habas na pumatay ng mga inosenteng tao sa Las Espadas. Pero ang pagkakabulgar ng kanyang pagkatao ay hindi makakapigil sa masasama niyang plano, lalo na sa paghihiganti niya laban kay Camila.

Kaninong buhay nga kaya ang susunod na malalagay sa peligro?

Anyway, mas marami pang karumal-dumal at kontrobersyal na krimen sa Las Espadas ang mauungkat dahil napapanood na ngayon ang extended version ng serye na The Killer Bride: Killer Cuts sa iWant.

Mapapanood na ang The Killer Bride: Killer Cuts ang unrated at uncensored na mga eksena ng primetime serye na magbubunyag sa mga sikretong pilit gumugulo sa isipan ng mga manonood at magdadala sa kanila sa malagim na huling sandali ng mga karakter sa serye.

Dapat ding abangan ang paglipad ng sky lanterns sa palabas dahil sa bawat paglipad nito, isang buhay ang mawawala. Ito rin ang simbolong dapat tutukan ng mga manonood sa pagpunta nila sa iWant dahil ang episodes na may logo ng sky lantern ang naglalaman ng Killer Cuts.

As expected, nangunguna sa national TV ratings tuwing gabi ang serye at kamakailan ay nagkamit ito ng all-time high national TV rating na 25.6%, ayon sa datos ng Kantar Media.

-REGGEE BONOAN

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...