TUNAY na kampeon si Gina Iniong at tunay na akma siya bilang ambassador ng Globe.
Pinangunahan ni Iniong, international veteran at mainstay ng Team Lakay, ang ratsada ng Philippine Kickboxing team sa napagwagihang tatlong ginto, dalawang silver at isang bronze medal sa katatapos na 30th Southeast Asian Games.
Binokya ni Iniong ang karibal na si Thai Apichaya Mingkhwan, 3-0, sa finals ng women’s 55 KG Kick Light category.
“Hindi nasayang ang hirap at pagod namin sa training lalo na first time ko lumaban para sa bayan at dito pa sa kickboxing,” pahayagt ni Iniong.
Hataw din ang kasangga niyang sina Jean Claude Saclag, nagwagi kontra Mohammed Bin Mahmoud, 3-0, sa men’s 63.5 KG Low Kick category at Jerry Olsim kontra Sarayut Klinming, 3-0, sa men’s 69 KG Kick Light finals.
Brandon Clarke ng Memphis, pumanaw sa edad na 29!
“It has been a wonderful Southeast Asian Games experience for Team Lakay and our athletes. Not only they brought honor and fame for Globe, Team Lakay delivered and did their part to ensure that the Philippines will reign king once more in the region after several years of frustrations and defeats. They made our countrymen proud. Kaya naman pala talaga pag sama-sama tayo,” pahayag ni Ernest Cu, Globe President and CEO.
Nagwagi naman ng silver medal sina Renalyn Daquel sa women’s 48 KG kickboxing category, Jomar Balagui sa men’s KG low kick bracket at sumungkit ng bronze medal si Karol Maguilde sa men’s 51 KG full contact event.
