MAGING sa darts, maituturing world-class ang Pinoy.

Target ni Lourence Ilagan, kilala bilang “The Gunner”, na matudla ang kampeonato sa pagsabak sa 2019 William Hill World Darts Championship sa Dec. 13 hanggang Enero 1 sa Alexandra Palace sa London.

Makakaharap ni Ilagan, kasalukuyang No. 1 darter sa bansa, si World No. 31 Cristo Reyes ng Spain sa first round.

Umusad si Reyes, bantog bilang “The Spartan”, sa 32 player-field batay sa Pro Tour Order of Merit.

'I really love you kuya!' Tapatang Pacquiao brothers, ekis mangyari!

Sakaling manalo kay Reyes, sunod na makakaharap ni Ilagan si No.13 Adrian Lewis ng England sa 32-player second round ng prestihiyosong kompetisyon na inorganisa ng Professional Darts Corporation (PDC).

Ito ang ika-apat na pagkakataon na kinatawan ni Ilagan ang bansa sa world championship.

“I’ll do my best to win and bring more honors to our country. It’s a big challenge, but I am ready,” pahayag ni Ilagan.

Suportado ng Amber’s Best Restaurant-Makati ang kampanya ng Pinoy darters.

“The top darters in the world will be all there. Puro magagaling. It’s really a big honor to be able to go there (in London) and compete with the Philippine flag on my name,” added the 41-year-old pride of Cainta, Rizal.

Sa kasaysayan, tangan ng Pinoy ang medalya at nakatakdang sumabak sa torneo.

Umusad si Ilagan kasama ang kababayan na si Noel Malicdem matapos mawalis ang Asian Tour Order of Merit.

Kabilang sila sa 64 qualifiers — 32 players batay sa Pro Tour Order of Merit at 32 players mula sa international qualifying tournaments –na maglalaban at makausad sa knockout first round.

Ang 32 winners sa first round ay sasama sa top 32 players in the world batay sa Pro Tour Order of Merit.

Defending champion si three-time world champion Michael van Gerwen ng Netherlands matapos ang 7-3 panalo kontra Michael Smith of England.