NAKAMIT ng Pinoy ang unang gintong medalya sa lawn bowls competition sa impresibong kampanya ng men’s team nitong Lunes sa 30th Southeast Asian Games sa Friendship Gate sa Clark, Pampanga.
Nangibabaw ang tambalan nina Rodel Labayo at Angelo Morales laban sa Thai pair nina Woramet Singkeaw at Uthen Ontong ng Thailand, 19-11, sa finals.
Nakopo nina Malaysian Rais Muhammad Abdul at Rusli Muhammad Soufi ang bronze nang gapiin ang tambalan nina Amli Muhammad Arrif at Omar Abd Rahman, 22-9, ng Brunei.
Nakamit naman ng Malaysian lawn bowlers ang gintong nedalya sa men’s triple sa 14-8 panalo kontra Elmer Abatayo, Homer Mercado at Christopher Dagpin ng Philippines.
Nasikwat ng Singapore ang bronze mula sa panalo nina Leong Khim Hoong, Melvin Kwang Yong Tan at Noui Ming Fook Matthew kontra Pollangeon Saman, Pongsiri Kunanon at Manakitpaiboon, 23-14, ng Thailand.
