MARAMING nag-react habang pinapanood ang opening ceremony ng 30th South East Asian (SEA) Games na ginanap sa Philippine Arena sa Bocaue, Bulacan noong Sabado ng gabi, November 30. Eleven title holder/beauty queens ang naging muse ng bawat team na kalahok sa competition.

Pero nabigo ang mga nanonood sa ABS-CBN at tiyak din ng mga nasa Philippine Arena, dahil hindi binigyan ng close-up shot ang bawat isa sa kanila at ni hindi binanggit ang names nila habang ipinaparada na Santacruzan ang concept.

Nag-post si Megan Young na nagpasalamat naman na nakabilang siya sa opening ceremony ng #30thSEAGAMES:

'God wanted me to pray harder!' Ogie Alcasid nanalangin para sa Pilipinas

@meganbata Queens for #30thSEAGAMES. What an amazing experience it was to be a part of the opening number! Each of us walked with a participating country earlier and I’m so happy I got to walk with the Indonesian athletes. Indonesia will always be a country dear to my heart because that’s where I won Miss World. Took some photos backstage with Queen P @piawurtzbach who walked with the Philippine athletes during the opening number.

Nakakakilabot nung sinabi ung “PHILIPPINES”!!! During that moment we were all just so proud to be Filipino (with heart emoji).”

Ang gaganda ng ibang beauty queens na tulad nina Megan Young at Pia Wurtzbach, pero hindi nga sila ipinakilala. Ang iba pang beauty queen/title holder ay sina Karen Gallman, Miss Intercontinental 2018 for Brunei Darussalem; Sophia Senoron, Miss Multinational 2018 for Cambodia, Cynthia Thomalia, Miss Eco International 2018 for Laos; Lara Quigaman, Miss International 2006 for Malaysia; Karen Ibasco, Miss Earth 2017 for Myanmar; Jamie Herrel, Miss Earth 2014 for Singapore; Angelia Ong, Miss Earth 2015 for Thailand, Jannie Alipoon, Miss Tourism 2017 for East Timor and Sharifa Akeel, Miss Asia Pacific International 2018 for Vietnam.

Ang closing ceremony naman ay gaganapin sa New Clark City on December 11.