TIYAK na masosopresa ang sambayanan at ang buong Southeast Asian region sa matutunghayang palabas na inihanda sa opening ceremony ng 30th Southeast Asian Games sa Nobyembre 30 sa Philippine Arena sa Bocaue, Bulacan.
Tampok ang tradisyon, kultura at kaugalian ng Pinoy, kabilang ang ‘Bayanihan’ ang bibigyang buhay nang mga piling talento mula sa grupo ng kabataan, production companies at artista sa maituturing world-class production na magpapakita sa adhikain ng Team Philippines na “We Win As One’.
Kabilang sa nagbigay ng kanilang oras at talento sina Palanca-award winning writer Floy Quintos, National Artist for Music and Ramon Magsaysay Awardee Maestro Ryan Cayabyab, US-based, Emmy-award winning live content creator FiveCurrents, gayundin ang dalawang local artists company na Video Sonic at Stage Craft International Inc.
Ilan sa mga kilalang mag-aawit at entertainer na bibirit ng kanilang talento sina ‘Asia’s Nightingale’ Lani Misalucha, Christian Bautista, Aicelle Santos, Jed Madela, Elmo Magalona, KZ Tandingan, Iñigo Pascual, The TNT Boys, Ana Fegi, Robert Seña, at international rap artist Apl d Ap.
Brandon Clarke ng Memphis, pumanaw sa edad na 29!
“This year’s opening ceremonies are envisioned as a showcase of the enduring aspects of Philippine traditional and contemporary culture,” pahayag ni Quintos, ang creative director para sa 30th SEA Games Opening Ceremonies.
Tampok din ang premyadong folk dance company – ang Ramon Obusan Folkloric Group – ang makikiisa sa mga piling estudyante mula sa 12 eskwelahan sa Manila na magbibigay ng kasiyahan sa mahigit 10,000 atleta, opisyal, supporting staff at panauhin sa opening ceremony.
Ibibida rin ang 11 Pinay beauty titleholders, sa pangunguna ni Ms. Universe 2015 Pia Wurtzbach.
“The production’s aim is to show how aspects of culture reflect the energy, physical dexterity and competitive spirit of the Filipino,” sambit ni Quintos.
Ang 30th SEA Games Opening Ceremonies ang ipinapalagay na pinakamalaking sports-related television special na magaganap sa Asya ngayong taon. Ipalalabas ito ng live sa Pilipinas at mga karatig na bansa sa rehiyon, gayundin sa China at Japan.
Ang Video Sonic and Stage Craft ay binubuo nang mga talento na pamoson sa pagsasagawa ng konsiyerto at grand productions, habang ang FiveCurrents ay nakapagwagi na ng 14 Emmy Awards at nagsagawa ng Olympic ceremonies sa Sochi 2014 Winter Olympics at London 2012 Summer Olympics.
