NAUNGUSAN ng Begang National High School sa dikdikang tatlong set ang Tipo Tipo National High School para angkinin ang kampeonato sa Isabela de Basilan leg ng Philippine Volleyball Federation-Tanduay Athletics Girls U18 “Series in Ur Cities” nitong weekend sa Isabela City Gymnasium sa Basilan.
Nakamit ng Begang National High School ang tropeo at karapatan na makalaro sa Mindanao Qualifier kung saan nakataya ang dalawang slots para sa Mindanao sa gaganaping National Finals sa Manila. Ang tatanghaling national champion ay ipadadala sa Singapore para sumabak sa torneo laban sa Singaporean High School teams.
Mistulang piesta ang pagsasagawa ng torneo na sinimulan sa masayang motorcade ngmga kalahok na koponan, kasama angmga opisyal ng PVF, sa pangunguna nina Secretary General Gerard Cantada at Managing Director Otie Camangian.
Masaya rin nagsalo-salo sa ‘boodle fight’ ang lahat na kaloob ni City Mayor, Madame Sitti Djalia Turabin Hataman. Nauna nang nagbigay ng courtesy call ang PVF, kasama si Director for BasilanDr. Arnel Hajan kay Governor Jim Hataman Salliman.
Brandon Clarke ng Memphis, pumanaw sa edad na 29!
“The PVF would like to thank the officials of the province of Basilan and the city of Isabela for their generosity and thoughtfulness. Our exprctations were more than met -- that Basilan is a safe haven with numerous pristine beaches, beautiful landmarks, friendly and lovely people,” pahayag ni PVF president Edgardo ‘Tito Boy’ Cantada.
“The participants have left for home nurturing an experience they would not easily forget. The majority of the teams, if not all, came from public schools. There are no entry fees providing equal opportunities,” aniya
