TAMPOK ang mga opisyal ng Boxing Association of the Philippines sa Sports Communicators Organization of the Philippines (SCOOP) On Air Forum ngayon sa Manila Times Studio.
Inaasahang magpapahayag ng kahandaan para sa Team Philippines sa 30th Southeast asian Games sina women’s coach Boy Velasco at consultant Pat Gaspi.
Si Velasco, pinakamatanda sa magkakapatid na boxing champion ang coach ni World champion featherweight Nesthy Petecio.
Kasama ring bilang panauhin si dating Sen. Nikki Coseteng, pangulo ng Diliman Preparatory School.
