Alapag, iginiit na huwag mawalan ng pag-asa sa basketball-Balita

KAISA si Jimmy Alapag sa panawagan na suportahan ang mga atletang may kakayahang magwagi sa World Championship at maging sa Olympics, ngunit huwag mawalan ng pag-asa sa basketball.

DINIPENSAHAN ni Jimmy Alapag ang basketball na aniya’y may kakayahang magbigay ng karangalan sa bansa sa international stage sa hinaharap

Iginiit ni Alapag, miyembro ng Gilas Pilipinas na bumasag sa matagal nang pananamlay ng basketball sa World stage noong 2014, na tunay na nakakaumay ang kabiguan ng Pinoy cagers aa international arena, subalit hindi ito sapat upang abandunahin ang suporta sa basketball.

“The essence of sports is having a chance to win,” pahayag ni Alapag. “I understand the misery of Filipino basketball fans, but don’t loss hope. Just play the game,” pahayag ni Alapag, muling gagabayan ang Alab Pilipinas sa nalalapit na pagbubukas ng Asian Basketball League (ABL).

“Nakakalungkot, pero this is what sports like, you win some, lose some. But never, ever loss hope. Filipino loves basketball, laban lang,” aniya.

Naging maugong ang panawagan na huwag nang magaksaya ng pondo sa basketball at ituon ang lahat sa individual sports na may kakayahang magwagi sa Olympics at World stage tulad nina gymnastics Carlo Yulo at boxer Nesthy Pretecio na kapwa nagwagi ng gintong medalya sa World Championship.

Kauna-unahang Pinoy naman na nakausad sa 2020 Tokyo Olympics si pole vaulter EJ Obeina, habang malaki ang tsansa ni Rio Olympics weightlifter Hidilin Diaz na muling mapasabak sa quadrennial Games.

Ang Philippine basketball? Olat sa nakalipas na FIBA World Championship, ngunit malaki ang tsana na manatiling kampeon sa Sea Games.

“I understand the feeling. Pati si Senator Manny Pacquiao is giving up in basketball. Pero, ganyan talaga. Puwede naman nating suportahan ang lahat, specially yung mga Olympics potential, but let’s not abandon basketball,let’s continue supporting the sports closest in our heart,” pahayag ni Alapag sa kanyang pagbisita kahapon sa Tabloids Organization in Philippine Sports (TOPS) Usapang Sports na itinataguyod ng Philippine Sports Commission, PAGCOR, Community Basketball Association, at NPC.

-Edwin Rollon

Mga klase, pasok sa tanggapan ng gobyerno suspendido sa Oktubre 31

Suspendido na ang mga klase sa lahat ng antas gayundin ang mga pasok sa tanggapan ng gobyerno sa darating na Oktubre 31 ng 12:00 ng tanghali, para sa paggunita ng All Saints' Day at All Soul's Day, ayon mismo sa Malacañang.Sa ipinalabas na Memorandum Circular No. 67 na nilagdaan ni Executive Secretary Lucas Bersamin, wala nang pasok sa nabanggit na oras at petsa para magbigay-daan sa...

Baggage handling system sa NAIA 3, bumigay; nagdulot ng aberya sa mga pasahero

Daan-daang pasahero ang nakaranas ng aberya dahil sa bumigay na baggage handling system sa terminal 3 ng Ninoy Aquino International Airport (NAIA) nitong Martes, Oktubre 22.Sa huling Facebook post ng Cebu Pacific nitong Martes ng tanghali, Oktubre 22, inaksyunan na nila ang problema sa nasabing terminal kasama ang New NAIA Infrastructure Corp. (NNIC).“CEB has established a dedicated team to...

‘Kristine’ bahagyang lumakas habang nasa PH Sea ng Bicol Region

Bahagya pang lumakas ang Tropical Storm Kristine ang kumikilos ito sa Philippine Sea sa silangan ng Bicol Region, ayon sa Philippine Atmospheric, Geophysical and Astronomical Services Administration (PAGASA) dakong 5:00 ng hapon nitong Martes, Oktubre 22.Sa update ng PAGASA, huling namataan ang sentro ng Tropical Storm Kristine 390 kilometro ang layo sa silangan ng Daet, Camarines Norte.Taglay...