TUNAY na dugong kampeon ang nananalaytay kay Jamie Berberabe Lim.

Ang 19-anyos na anak ni basketball icon Avelino ‘Samboy’ Lim at dating Pag-ibig Fund CEO Darlene Berberabe ang naging lider sa impresibong walong medalya na nahakot ng Philippine Karate Team sa 2019 Amatör Spor Haftasi Karate Championship kamakailan sa Sakarya, Turkey.

Nadomina ni Jamie ang lahat ng laban, tampok ang dominanteng 8-0 panalo sa Senior Female -68kgs Kumite finals.

National

'Walang atrasan!' 2 senador, sinigurong tuloy ang impeachment trial sa Hunyo 11

Humirit dinsa podium sina Rexor Tacay (Silver, Senior male -67kgs Kumite), Ivan Agustin (Silver, Senior male -75kgs Kumite), Miyuki Tacay (Silver, Senior female -61kgs Kumite), Mae Soriano (Bronze, Senior female -55kgs Kumite), Engene Dagohoy (Bronze, Senior male -84kgs Kumite), Prince Alejo (Bronze, Senior male -67kgs Kumite) at Sharief Afif (Bronze, Senior male -75kgs Kumite).

Pinangansiwaan ang koponan ni dating European at World Champion coach Okay Arpa na naging head coach din ng Turkish National Team. Ang torneo ay bahagi ng dalawang buwang pagsasanay ng Nationals sa Turkey bilang paghahanda sa gaganaping 30^th Southeast Asian Games sa Manila.

“Our Karate Team is right on track with their training and will be expecting their best performance in the upcoming SEA Games this coming December,” pahayag ni Karate Pilipinas President Richard Lim.

Bagama't alam ni Lim ang kakayahan ng kanyang mga atleta na makapagbigay ng gintong medalya para sa bansa para sa nalalapit na  biennial meet, ayaw niyang magbigay ng prediksyon kung ilang gintong medalya ang kayang masungkit ng mga  Karatekas.

"I don't want to predict on how many golds we can win, but definitely we will win a gold medal for the SEA Games. The team is very hungry in winning gold medals for the biennial meet and with the way these kids perform right now I know they will definitely bring back the pride of Karate for the country," ayon kay Lim.