GINAPI ng Choco Mucho, sa pangunguna ni Kat Tolentino, ang Pacific Town Army, 25-20, 17-25, 21-25, 25-11, 15-8 win nitong Linggo para buhayin ang kampanya sa semifinal ng Premier Volleyball League Open Conference sa Flying V Centre sa San Juan City.

Hataw ang solid-hitting spiker sa naiskor na 24 puntos, tampok ang 22 spike para sandigan ang Flying Titans sa ikatlong sunod na panalo at ikalima sa kabuuang 11 laro.

Nag-ambag si Maddie Madayag ng 14 hits.

Nakawala sa Lady Troopers ang tsansa na agawin ang panalo matapos makamit ang third set at dalawang set advantage para makasama sa two-way tie sa No. 4 kasama ang Motolite.

Nanaig naman ang Ateneo at College of St. Benilde sa magkahiwalay na laban para makalapit sa posibleng title showdown sa Collegiate Conference.

Manny Pacquiao, nag-ceremonial first pitch sa gitgitan ng Yankees at Athletics

Kumana si Faith Nisperos ng 19 puntos sa dikitang laban kontra University of Santo Tomas Tigresses, 25-15, 26-28, 25-16, 25-18.

Nagsalansan naman si Klarissa Abriam ng 27 puntos para sa Lady Blazers, tungos sa 26-24, 29-27, 17-25, 21-25, 15-13 panalo sa Group A top seed Adamson.

Mistulang hindi nagtamo ng injury si Alyssa Valdez sa kanyang pagbabalik aksiyon para tulungan ang Creamline kontra Air Force Jekasa, 25-15, 25-16, 25-18, para sa ika-11 sunod na panalo at top seed sa semifinal.

Laglag ang Lady Jet Spikers sa 5-6.

Mga Laro sa Miyerkoles

(Flying V Centre, San Juan)

4:00 n.h. -- Choco Mucho vs Motolite