ISA-ISA, kinakalawit ng Ateneo Blue Eagles ang mga karibal na naghahangad na maagaw ang trono sa UAAP men’s basketball.

Sa pangunguna ni Ange Kouame, tinanghal na Rookie of the Year sa nakalipas na season, ginulat ng Blue Eagles ang National University Bulldogs, 71-50, nitong Linggo para madagit ang ikalimang sunod na panalo sa Season 82 sa Ynares Center sa Antipolo.

Hataw si Kouame sa naiskor na 15 puntos, 13 rebounds, pitong blocks, tatlong assists, at dalawang steals at tila moog sa depensa ng Ateneo sapat para makontrol ng NU sa 41-24 bentahe sa halftime.

Nagtangka ang Bulldogs na makadikit, ngunit hanggang 12 puntos lamang ang nagawa nila, 49-37 sa third period bago muling sumalakay ang Blue Eagles para selyuhan ang dominanteng panalo.

'Pikon daw?' UAAP fan na nag-dirty finger, agaw-eksena sa San Juan Arena!

Nag-ambag si Gian Mamuyac ng 13 puntos at tatlong boards, habang kumubra si Thirdy Ravena ng walong puntos at pitong rebounds.

Ginapi naman ng University of Santo Tomas ang Far Eastern University, 82-74.

Pinagbidahan ni Sherwin Concepcion ang ratsada ng Growling Tigers sa krusyal na sandali, tampok ang apat na three-pointer na naging daan sa tuluyang paglayo ng UST sa dikitang laban.

“They responded to my challenge that they have to show up,” pahayag ni UST mentor Aldin Ayo.

Nagsalansan si Soulemane Chabi Yo ng 21 puntos at 15 rebounds, habang tumipa si neophyte Mark Nonoy ng 11 puntos at anim na rebounds.

Kumana si Renzo Subido sa natipangh 11 puntos at limangh assists.

Iskor:

ATENEO (71) -- Kouame 15, Mamuyac 13, Ravena 8, Wong 6, Belangel 5, Ma. Nieto 5, Mi. Nieto 5, Andrade 3, Tio 3, Chiu 2, Credo 2, Daves 2, Maagdenberg 2, Go 0, Mallillin 0, Navarro 0.

NU (50) -- D. Ildefonso 10, S. Ildefonso 9, Gaye 8, Clemente 5, Galinato 5, Yu 4, Minerva 3, Joson 2, Mangayao 2, Mosqueda 2, Diputado 0, Gallego 0, Malonzo 0, Oczon 0, Rangel 0, Tibayan 0.

Quarterscores: 20-11, 41-24, 50-37, 71-50.

UST (82) -- Chabi Yo 21, Concepcion 12, Nonoy 11, Subido 11, Abando 10, Bataller 8, Paraiso 3, Ando 2, Cansino 2, Huang 2, Cuajao 0.

FEU (74) -- Gonzales 16, Torres 14, Ebona 11, Comboy 10, Bienes 6, Tuffin 6, Alforque 4, Stockton 4, Nunag 3, Cani 0, Celzo 0, Tchuente 0.

Quarterscores: 14-24, 34-39, 64-55, 82-74.