SINANDIGAN ni Andrei Caracut ang krusyal na opensa ng La Salle para maitarak ang 68-61 panalo kontra Adamson nitong Sabado sa UAAP Season 82 Men’s Basketball tournament sa Ynares Center.

NAKAISKOR si Egie Mojica ng Adamson sa kabila ng depensa ng La Dalle Archers sa isang tagpo ng kanilang laro sa UAAP men’s Basketball tournament

NAKAISKOR si Egie Mojica ng Adamson sa kabila ng depensa ng La Dalle Archers sa isang tagpo ng kanilang laro sa UAAP men’s Basketball tournament

Naglalaro sa kanyang final season, naisalpak ni Caracut ang magkasunod na three pointer para maisulong ang Archers sa ligtas na bentahe , 66-61, may 28 segundo ang nalalabi.

“Thank you Andrei for those three-point shots,” pahayag ni coach Gian Nazario, patungkol sa importanteng baskets ni Caracut matapos magmintis sa kanyang unang apat na pagtatangka. Umusad ang La sale sa 2-3.

'Pikon daw?' UAAP fan na nag-dirty finger, agaw-eksena sa San Juan Arena!

'Pikon daw?' UAAP fan na nag-dirty finger, agaw-eksena sa San Juan Arena!

“We really felt the pressure as a team. The coaching staff, the players, and everyone in the team felt the pressure,” aniya.

Bahagi ang opensa ni Caracut sa 11-3 run ng La Salle matapos maidikit ni Valandre Chauca ang Adamson sa 58-57 may 4:45 sa laro.

Kumubra si Justine Baltazar ng 21 puntos, 14 boards, dalawang assists, at dalawang blocks para sa Green Archers,habang kumana si Jamie Malonzo ng 12 puntos at 11 rebounds.

Bagsak ang Adamson sa 3-3 marka.

Nanguna sina Jerrick Ahanmisi at Valandre Chauca sa Adamson sa natipang tig-13 puntos.

Nakopo naman ng University of the Philippines ang ikatlong sunod na panalo nang pataubin ang University of the East, 62-56.

“We had lots of lapses, but in the end it was Jaydee that saved us with his three-point shot in the corner,” sambit ni coach Bo Perasol.

Hataw si Kobe Paras sa naiskor na 12 puntos, 10 rebounds, tatlong blocks, at dalawang assists, habang umiskor si Bright Akhuetie ng 16 puntos, limang boards, tatlong assists, at tatlong steals.

Kumubra si Javi Gomez de Liano ng 15 puntos para sa UP (4-1).

-Marivic Awitan

Iskor:

DLSU (68) -- Baltazar 21, Caracut 15, Malonzo 12, Manuel 6, Lojera 5, Melecio 4, Bates 3, Bartlett 2, Cagulangan 0, Cu 0, Meeker 0, Pado 0, Serrano 0.

ADU (61) -- Ahanmisi 13, Chauca 13, Camacho 12, Mojica 9, Douanga 7, Lastimosa 3, Fermin 2, Zaldivar 2, Bernardo 0, Flowers 0, Magbuhos 0, Manlapaz 0, Yerro 0.

Quarterscores: 15-21, 41-32, 52-49, 68-61.

UP (62) -- Akhuetie 16, Ja. Gomez de Liano 15, Paras 12, Rivero 7, Tungcab 4, Ju. Gomez de Liano 3, Manzo 3, Webb 2, Murrell 0, Prado 0, Spencer 0.

UE (56) -- Diakhite 21, Abanto 9, Tolentino 8, Antiporda 6, Pagsanjan 6, Suerte 4, Cruz 2, Manalang 0, Mendoza 0, Natividad 0.

Quarterscores: 23-15, 39-27, 46-42, 62-56.