ISASABAK ng Philippine archery team ang pinakamatikas na batang atleta para sa 30th Southeast Asian Games on November 30 to December 11.

Kasama ang ilang beteranong archer, sinabi ni national coach Clint Sayo na malaki ang tsansa ng bansa na tundukan ang matagal nang kabiguan ng sambayan para sa gintong medalya sa sports.

Nasa listahan ng PH Team sina Asian Games bronze medalist Paul Marton Dela Cruz, Youth Olympic Games gold medal winner Gabriel Moreno, at Olympian Jennifer Chan.

Pangungunahan ni Dela Cruz ang men’s compound team kasama sina Johan Olano, Roberto Badiola at Arnold Rojas, habang si Moreno ang titimon sa four-man recurve squad kasama sina Florante Matan, Jayson Feliciano, at Carson Hastie.

Ang women’s recurve ay sasandigan nina Kareel Hongitan, Pia Bidaure, Phoebe Amostoso, at Gabrielle Monica Bidaure, habang sina Chan, Andrea Robles, Rachelle Ann Dela Cruz at Abbigail Tinugduan ang panlaban sa women’s compound squad.

CHR, iniimbestigahan pagkamatay ng preso sa loob ng City Jail!

“As much as possible, we want to achieve the best results. But for now, I can only assure you that we are capable of getting a medal. Whether it’s a gold, silver, or bronze, hindi ko muna sasabihin,” sambit ni Sayo, gold medalist sa 1997 SEA Games sa Indonesia.

Huling nagwagi ng gintong medalya sa SEA ang Pinoy archers sa 2013 SEA Games sa Myanmar, sa pamamagitan nina Earl Benjamin Yap, Ian Patrick Chipeco at Delfin Anthony Adriano sa men’s compound.

Sa 2017 Malaysian edition, nakapaguwi ang archers ng dalawang silver at apat na bronze medal.