HINIYA ng Centro Escolar University ang Hazchem,126-76,upang selyuhan ang isa sa top two spot sa Group B ng 2019 PBA D-League Foundation Cup kamakailan sa Ynares Sports Arena sa Pasig.
Pitong Scorpions ang tumapos na may double-figure sa naturang panalo na nag-angat sa kanila sa malinis na markang 5-0.
Muling pinamunuan ng Senegalese slotman na si Malick Diouf sa ipinosteng 19 puntos, 21 rebounds, at 7 blocks ang nasabing panalo na nagbigay sa kanila ng twice-to-beat advantage sa playoffs.
Ang iba pang tumapos na may double digit para sa Scorpions ay sina Dave Bernabe na may 19 puntos, 6 rebounds, 3 assists, at 2 steals, Kyle Sunga na may 17 puntos, 5 assists, at 4 na rebounds, Franz Diaz na may 14 puntos, Bling Murillo at Jerome Santos na may 12 at 10 puntos ayon sa pagkakasunod.
'Pikon daw?' UAAP fan na nag-dirty finger, agaw-eksena sa San Juan Arena!
“That’s what we’re looking for: the top two and having the twice-to-beat advantage,” pahayag ni CEU coach Derrick Pumaren.
Umabot sa 53 puntos ang lamang ng CEU(124-71) na naglarong wala ang may sakit na si Rich Guinitaran matapos ang isang dunk ni Bernabe may 1:24 pang oras na nalalabi sa laro.
Pinangunahan naman ni Raymark Matias na nagposte ng 17 puntos para sa Hazchem, bumagsak sa ika-4 na sunod nilang kabiguan na nagbaba sa kanila sa markang 1-4.
Nauna rito, inangkin ng BRT Sumisip Basilan-St. Clare ang top seed sa Group B matapos durugin ang Black Mamba, 161-122.
Namuno si Malian big man Mohammed Pare para sa Saints sa ipinoste nitong 31 puntos at 19 rebounds.
Sa naturang panalo, naitala ng BRT Sumisip-St. Clare ang most points sa league history sa itinala nilang 161, na bumura sa dating 144 na itinakda ng Hyperwash sa panalo nila kontra McDavid-La Salle Araneta noong Agosto 19.
Ang iniskor na 95-puntos ng Saints sa second half ay bumura naman sa dating 83 puntos na itinala ng Tanduay sa 141-65 na panalo konyra sa Zark’s noong Hulyo 10, 2017, habang pinantayan ng kanilang 53 puntos sa fourth quarter ang itinala ng Rhum Masters na third quarter output sa 113-71 panalo nito kontra Gamboa Coffee noong Hunyo 27, 2017 para sa most in points in a single period.
-Marivic Awitan
Iskor:
CEU (126) -- Diouf 19, Bernabe 19, Sunga 17, Diaz 14, Tuadles 13, Murillo 12, Santos 10, Tagal 7, Abastillas 6, Escalona 5, De Ocampo 4.
HAZCHEM (76) -- Matias 14, Moraga 11, Glorioso 9, Ynion 8, Elmejrab 7, Trinidad 7, Adviento 5, Caparida 4, Arellano 3, Mendez 3, Acain 2, Daguplo 0, Serrano 0.
Quarterscores: 32-15, 60-26, 90-51, 126-76.
Mga laro bukas
(Ynares Sports Arena)
1:30 n.h. -- Asia’s Lashes vs iWalk
3:30 n.h. -- Hazchem vs AMA
5:30 n.h. -- Italiano’s Homme vs Hyperwash
