NAKATUON ang pansin ng sa magkapatid na Jude Angelo (8), Ronald II (14) at Jaina (16) sa Open Kitchen Rapid Chess Tournament-IM Joel Banawa Chess Cup sa linggo sa Open Kitchen Restaurant sa Mandaluyong City.
Ang tatlo ay anak ni nina 2003 Vungtau, Vietnam Asian Zonal Champion Grandmaster candidate Ronald Dableo at Palarong Pambansa champion Tara Jade Aurelio-Dableo.
“Magdaragdag ng atraksiyon ang paglahok ng mga anak nina 2003 Vungtau, Vietnam Asian Zonal Grandmaster candidate Ronald Dableo at Palarong Pambansa champion Tara Jade Aurelio-Dableo sa IM Joel Banawa Chess Cup kiddies at juniors division na gaganapin ngayun Linggo sa Open Kitchen, Rockwell Business Center-Sheridan, Highwayhills, Greenfields District sa Mandaluyong City,” pahayag ni G. Genghis Katipunan Imperial na katuwang si G.Mc Daniel “Danilo” Ebao ng Three Knights Printing Services sa pagdaraos ng one-day event na hinati sa dalawang division, ang 14 years old and below kiddies category at 15 hanggang 20 na junior side.
May basbas ng National Chess Federation of the Philippines ang torneo na pangangasiwaan ng mga national arbiters mula sa Chess Arbiter Union of the Philippines ay suportado ng Open Kitchen, Phoenix Chess Academy, Three Knights Printing Services, ChiliJuan, Otsuka-Solar Philippines Inc. (Pocari Sweat), Core of Dreams, at Mega C.
