INIMBITAHAN si 13-time Philippine Open Champion Grandmaster Rogelio "Joey" Antonio Jr. na maging guest of honor sa Open Kitchen Rapid Chess Tournament na tinampukang IM Joel Banawa Chess Cup (kiddies at juniors division) bilang pag gunita sa namayapang IM Rolly Martinez na tutulak sa September 1 sa Open Kitchen, Rockwell Business Center-Sheridan, Highwayhills, Greenfields District sa Mandaluyong City.
Pangungunahan ni Antonio, 2017 Italy World Seniors Vice-Champion, ang pagbubukas ng torneo ganap na 10:30 ng umaga.
Kinikilala ng National Chess Federation of the Philippines (NCFP) ang torneo na pangangasiwaan ng mga arbiters mula Chess Arbiter Union of the Philippines.
Pasasalamat ni PBBM kay FPRRD noon sa pagpapalibing sa amang si Marcos Sr., naungkat ulit!
Kasama din sa naimbitahan magbubukas ng torneo ay si Atty. Cliburn Anthony Orbe, National Chess Federation of the Philippines (NCFP) director na makakasama sa ceremonial moves si Antonio.
Kasama din sa naimbitahan guest ay sina Philippine Executive Chess Association (PECA) president Dr. Jenny Mayor, Ms. China Aurelio at Ms. Mimi Casas ng Open Kitchen, Ms. Emz Forrosuelo ng Otsuka-Solar Philippines Inc. (Pocari Sweat) at Mr. Jerome Intac ng ChiliJuan.
Samantala, dedepensahan ni Angele Tenshi Biete, grade 8 pupil ng De La Salle Santiago Zobel School ang tangan na titulo sa kiddies 14-years-old and below division.
Para sa karagdagang detalye, makipag-ugnayan kay Mr. Genghis Katipunan Imperial (0926-251-4205).
