PANAUHIN para magbigay ng kanilang huling obserbasyon sa paghahanda sa FIBA World Cup ang National basketball team Gilas Pilipinas sa Philippine Sportswriters Association (PSA) Forum ngayon sa Amelie Hotel-Manila.
Pangungunahan nina Coach Yeng Guiao, team captain Gabe Norwood, at nagbabalik aksiyon na si Kiefer Ravena ang Gilas na muling papalaot sa worls stage ng basketball simula sa Biyernes sa China.
Makakasama nila sina team manager Gabby Cui at liaison officer Yvette Ruiz sa lingguhang sports forum na itinataguyod ng San Miguel Corp., Braska Restaurant, Amelie Hotel, at Philippine Amusement and Gaming Corporation (PAGCOR).
Magbibigay naman ng kanyang pananaw si Ella Fajardo hingil sa naging kampanya ng Gilas Pilipinas girls team para sa bronze medal sa FIBA 3x3 U-18 Asia Cup sa Cyberjaya, Malaysia.
Mentor era? John Amores, nagtuturo na ng 'shooting skills' sa aspiring players
Sasamahan si Fajardo, produkto ng BEST Center, nina MILO Sports Executives Lester Castillo at Luigi Pumaren, gayundin ni BEST Center founder and chairman Nic Jorge, kasama rin si Gilas Pilipinas girls team coach Patrick Aquino.
Magsisimula ang programa ganap na 10 ng umaga.
