PAKITANG gilas si International Master Paulo Bersamina, isa sa country’s top bets sa Manila Southeast Asian Games, matapos magkampeon via tiebreak sa qualifying round nitong Sabado sa Grandmaster Rosendo Balinas Jr. Memorial Chess Tournament na ginanap sa Activity Hall, Second Floor Alphaland Makati Place sa Malugay Street, Makati City.
Nakasalo ni Bersamina sa first-second place si International Master Daniel Quizon na kapwa nakalikom ng tig 6.0 points sa one day event na nagsilbing punong abala si engineer Antonio “Tony” Carreon Balinas na inorganisa nina Dr. Jenny Mayor, lawyer Cliburn Anthony Orbe at Dr. Alfred Paez sa pakikipagtulungan ng Alphaland Mall.
Dahil sa highest tiebreak points ay nakamit ni Bersamina ang titulo sa Open division habang tumapos si Quizon ng second.
Ang mga nakapasok sa top 11 ay sina International Master Angelo Young (3rd); Fide Master Nelson Villanueva (4th); National Master Nick Nisperos (5th); International Master Ricardo de Guzman (6th); International Master Chris Ramayrat (7th); National Master Carlo Magno Rosaupan (8th) National Master Julius Sinangote (9th); Arena Grandmaster Almario Marlon Bernardino Jr. (10th) at International Master Barlo Nadera (11th).
Sa seventh at final round ay giniba ni Bersamina si Nadera matapos ang 56 moves ng Nimzo-Indian defense habang angat si Quizon kay De Guzman matapos ang 107 moves ng Ruy Lopez Opening.
