NAIS ni Geghis Katipunan Imperial na mapasakamay ang matagal ng minimithing National Master (NM) title sa pagtulak ng Grandmaster (GM) Rosendo Carreon Balinas Memorial Chess Tournament Qualifying Round sa Agosto 17 na gaganapin sa Activity Hall, Second Floor Alphaland Makati Place sa Malugay Street, Makati City.
Si Imperial ay top player ng Patrol Party-list chess team sa nakalipas na team event sa taong ito.
Ipatutupad sa torneong ito ang 7-round Swiss System format, 20 minutes plus five seconds delay mode kung saan ang magkakampeon sa Titled/Master division ay mag-uuwi ng P7,000.
Samantala, pinagharian ni Alexis Emil Maribao ng Quezon City ang katatapos na 1st Angel’s Cup 2200 and Below Open Chess Tournament na ginanap sa Metro Town Mall sa Tarlac.
