Isang illegal recruiter at isa sa mga biktima nito, ang naharang ng mga tauhan ng Bureau of Immigration (BI) sa Ninoy Aquino International Airport (NAIA), makaraang magpanggap ang huli ng empleyado ng suspek.
Sa pagbabahagi ni BI port operations chief Grifton Medina, patungo sanang Kota Kinabalu, Malaysia ang 40-anyos na suspek at 34-anyos nitong babaeng biktima ng maharang.
“The suspect insisted that the victim is employed as a sales and marketing assistant in his travel consultancy firm, and that the company ID and business card presented by his companion are genuine,” ani Medina.
Gayunman, sa pagsisiyasat, umamin ang biktima na binayaran niya ang suspek ng P25,000 para sa pagsasaayos ng kanyang biyahe habang ang mga dokumento umano nito ay binigay lamang ng sinasabing recruiter.
Philippine Army, nagbigay-pugay sa opisyal na nagbuwis ng buhay sa MV Trisha Kerstin 3
Napag-alaman din na may working visa na ang biktima at may connecting ticket patungo sa United Arab Emirates kung saan siya nakatakdang magtrabaho bilang sales person.
Samantala, ayon kay BI travel control and enforcement unit chief Timotea Barizo, lumalabas din sa travel database ng ahensiya na hindi ito ang unang beses na nakapambiktima ang recruiter para makaalis ng bansa.
“Our records show that on May 9 last year he left the country with two female companions on the pretext that they were traveling as tourists and would return three days later. Instead, he came back alone and left his companions abroad,” aniya.
-Jun Ramirez
