POSIBLENG makansela ng Games and Amusement Board (GAB) ang professional licensed ng pasaway na si Calvin Abueva ng Phoenix Fuel Masters.

Ayon kay GAB Chairman Abraham ‘Baham’ Mitra nirerepaso na ng ahensiya ang isinasagawang imbestigasyon sa kaso ni Abueva, higit at nadagdagan ito nang sumabak ang kontrobersyal na players sa Inter-barangay tournament sa Rizal na walang abiso sa ahensiya.

Ang GAB ang ahensiya ng pamahalaan na nangangasiwa sa lahat ng professional sports sa bansa at bahagi ng kanilang mandato ang pagbibigay ng lisensiya sa pro athletes bago ito makalaro sa lisensyadong liga na pinangangasiwaan ng GAB.

“Calvin (Abueva) clearly violated GAB rules when he played in ‘ligang labas’. Matatapos na yung ginagawa naming imbestigasyon sa unang kaso niya at itong bago niyang violations, eh! talagang makakapekto sa resulta. GAB can possibly revoked his licence,” pahayag ni Mitra sa kanyang pagbisita sa ‘Usapang Sports’ ng Tabloids Organization in Philippine Sports (TOPS) nitong Huwebes sa National Press Club sa Intramuros.

'Pikon daw?' UAAP fan na nag-dirty finger, agaw-eksena sa San Juan Arena!

Ipinabatid ni Mitra na naamyendahan ng GAB nitong Setyembre 2018 ang Resolution No. 2017-13 Series of 2017 ‘Requiring All Professional Athletes To Inform The Games and Amusement Board of The Amateur Tournament  They Are Temporarily Participating In And The Duration Thereof’.

“For monitoring purposes, all professional athletes or players shall inform the GAB of the amateur tournaments or competitions they are temporarily participating in and the duration thereof. They shall continue to conduct themselves as professional athletes and observe the principles of sportsmanship and fair play.

“Conduct that is unbecoming of professional licensees of the Board shall be treated as actionable conduct and may serve as grounds for administrative disciplinary action before the Board,”  batay sa GAB Resolution.

Kasalukuyang pinagsisilbihan ng tinaguriang ‘The Beast’ ng pro league ang ‘indefinite suspension’ na ipinataw sa kanya ng PBA Commissioner’s Office matapos ang sadyang pananakit at pang-iinsulto sa import na si Terrence Jones nitong Hunyo.

“On his action against Jones, we talked with PBA Commissioner Willy Marcial and I told them, kung hindi ninyo sususpindihin ‘yan kami sa GAB ang magsususpindi,” pahayag ni Mitra.

Aniya, ginagalang ng GAB ang ‘internal decision’ ng PBA hingil sa mga isyu tulad ng kay Abueva, ngunit nilinaw niya na may hiwalay na kapangyarihan ang GAB bilang tagapangasiwa ng pro sports.

“GAB is mandated to look after the welfare of the athletes. And we have the rights to revoke licensed of abusive players,” sambit ni Mitra.

Sa record ng GAB, ang huling PBA player na binawian ng lisensiya ay si Rudy ‘The Destroyer’ Distrito noong 1999 matapos sahurin na ikinalagay sa panganib ng buhay ni Jeffrey Cariaso.