GINULANTANG ni Ferdinand Aviles ang kanyang mga katungali matapos magkampeon sa League of Locators 2019 Chess Tournament na tinampukang Chairman’s Cup na ginanap sa lobby ng AFAB (Authority of the Freeport Area of Bataan) sa Mariveles, Bataan nitong Biyernes dito.
Nakapagtala si Aviles ng 5.0 points sa Swiss System format competition para maibulsa ang top cash prize P4,000 sa one-day event na inorganisa ni tournament director Ebennezer “Venz” Batul kung saan ang punong abala si Chairman/Administrator Emmanuel Pineda sa pakikipagtulungan nina Corporate Affairs Department Head Eliza Calimag, Ms. Aileen Grace Pizarro, Ms. Kate Maya Saliva at Mr. Jephoi Clemente.
“This is my best performance so far. I played solidly and tactically,” pahayag ni Aviles, dating stalwart ni Grandmaster Jayson Gonzales sa Far Eastern University Chess Team.
Nakaungos siya kontra kay Joselle Moreno sa tie break points na nakapagtumpok din ng similar five points. Tinangap ni Moreno ang P3,000 matapos mag runner-up place.
Dalawang Pinoy mountaineers, sumakses sa tuktok ng Mt. Everest
Tumapos naman si Jimson Linda ng third matapos makaipon ng 4.0 points tungo sa pagbulsa ng P2,000 habang nagkasya lumikom naman si Ryan Christian Galang ng 4.0 points din para sa fourth place at maiuwi ang P1,000 sa kanyang effort.
Nakalikom naman si 13-time National Open Champion Grandmaster (GM) Rogelio “Joey” Antonio Jr. ng 33 wins, two draws at one loss sa rare 36 simultaneous chess exhibition bago magsimula ang Chairman’s Cup rapid chess competition.
Sina engineer Luisito Ramos at Rojan Kristian Aguilar ng Balon Elementary School ay naka draw kay GM Antonio habang si Joselle Moreno naman ang nagpasalap ng bukod tanging kabiguan ni Antonio.Sina national arbiters Alfredo Chay, Miel Bautista, Antonio Laureano at Jenison Pama ng Chess Arbiter Union of the Philippines ang nangasiwa ng nasabing programa
