Tinatayang P180,000 halaga ng pinatuyong marijuana ang nakumpiska ng mga operatiba ng station drug enforcement unit, sa dalawang courier sa isang buy-bust operation sa isang mall sa Quezon City, iniulat ngayong Linggo.
Arestado sina Mark Anthony Garcia, alyas ‘Makoy,’ 21; at Jhon Roper Austria, alyas ‘Noy,’ 20, kapwa residente ng Barangay Masagana, Balagtas, Bulacan.
Sa inisyal na imbestigasyon, ganap na 3: 55 ng hapon, kahapon, nang magsagawa ng follow-up operation ang station drug enforcement unit (SDEU) ng Kamuning Police Station (PS10) laban sa mga suspek sa harap ng isang mall Quezon City.
CEAP, iginiit pagpapanatili ng Ethics sa college curriculum
Bago ang buy-bust, isinailalim muna sa surveillance ang mga naturang suspek, na nagbebenta umano sa social media ng marijuana.
Nakumpiska sa dalawa ang bloke ng marijuana na may timbang na 1 1/2 kilo at nagkakahalaga ng P180,000; P22,000 at P19, 000 boodle money na ginamit sa buy-bust.
Kasalukuyan nang nakapiit ang dalawang suspek sa Kamuning Police Station 10 na kakasuhan sa QC Prosecutor Office ng paglabag sa Section 5, Section 26 in relation to section 5 and Section 11, under Article II of R.A. 9165.
-Jun Fabon
