PAGKATAPOS ng mediacon ng panghapong serye na Kadenang Ginto, nakausap ng media si Dimples Romana sa naging papel niya bago nag-propose ni Neil Arce kay Angel Locsin.

Tinawagan daw ni Neil si Dimples, na best friend ni Angel, para hingan ng tulong sa sukat ng singsing ng dalaga.

“So when he called me, hindi ko alam kung ako ang unang tinawagan niya. Basta ako lang ang nakakaalam, ‘yun ang sabi niya,” pakli ng aktres.

Pagbabalik ni Sharon Cuneta sa kaniyang 'real heart'

Hindi na rin maalala ni Dimples kung kailan siya tinawagan.

“Hindi ko maalala, kasi wala na akong sense of time. Because while I’m taping for Kadenang Ginto, I’m also shooting for Block Z.

“Ang sa akin kasi, hindi ko na nabibilang kung ano pa ba, kasi may Sabado kami na taping, eh. So, imagine, wala kaming weekends.

“So anyway, he called me a couple of weeks before the ano (proposal). Sabi niya, ‘Dimps, magpo-propose ako’,” kuwento ni Dimples.

Napaiyak daw si Dimples pagkarinig sa sinabi ni Neil.

“Umiyak ako! Parang ako ‘yung po-propose-an.

“Kasi, as you know, marami naman akong nakilala at nakasama na naging parte ng buhay ni Gel.

“So I’m just happy that this time, it’s for good, and parang he’s there for her. And ‘yun ang pinakagusto ko, parang nakita n’yo naman how Neil is with Gel.

“Kasi alam mo itong si Neil, sobrang alaga niyan kay Gel, super-super alaga niya. And si Gel naman, natutuwa ako, kasi alam mo si Gel, hindi sanay inaalagaan, kasi brusko, eh, ‘di ba? She’s a woman of her own, she can handle herself.

“And it’s nice to have somebody like Neil na inaalagaan siya. And siya naman, she lets him be. Nagpapaalaga naman siya.”

“Nagulat ako dito kay Neil, kasi iniisip ko, they were taking their time. I thought, because she’s now doing her show (The General’s Daughter). So, sa akin, kahit ano naman,” saad pa.

Para makuha ang sukat ng ring finger ni Angel, nagdahilan si Dimples na hihiramin ang singsing ng kaibigan. dahil magpapagawa siya ng friendship ring nila.

“Tapos may hawak akong papel, resibo pa nga, at doon ko isinukat ‘yung singsing ni ‘Gel. ‘Yung ipinasok ko sa butas ‘yung papel saka ko tinawagan si Neil.”