PINAGHARIAN ni Kidapawan City, North Cotabato bet Ronald Nonles, dating top player ng Colegio de San Juan de Letran, ang katatapos na Big Rook Chess Festival 2019 Under 2200 section Standard competition sa Assumption Association, Rama IV sa Phra Khanong, Bangkok, Thailand.
Nakakolekta si Nonles ng 5.5 points tampok ang apat na panalo at tatlong tabla sa pitong laro kaparehas sa iskor ng kababayang si Fide Master (FM) Jony Habla ng Novaliches, Quezon City, subalit nakopo ni Nonles ang first place dahil sa virtue ng superior tiebreak points.
Naiuwi ni Nonles ang elegant trophy at 7,000 Thai Baht cash prize sa seven-round Under 2200 section, Standard competition tournament na nasilayan ang 38 players. Habang si Habla naman na umiskor din ng 5.5 points ay nagbulsa ng 6,000 Thai Baht cash prize at elegant runner-up trophy.
“Again I would like to dedicate my victory to my countrymen. It’s an honor to represent our country,” sabi ni Nonles na nagkampeon din sa Eastern Rapid Chess Championship Tournament (Blitz competition) nitong Hunyo 2 na ginanap sa Pattaya, Thailand.
Dalawang Pinoy mountaineers, sumakses sa tuktok ng Mt. Everest
Dahil sa natamong tagumpay, napataas ni Nonles ang moral ng bansa ayon kay National Master (NM) at Fide Instructor (FI) Winston Joseph Silva, Operations and Marketing Coordinator ng Jirapak Chess Academy sa Bangkok, Thailand.
“Once again our flag has been raised in this foreign land after knowing that our Kababayan... Ronald Nonles got another chess title again in Thailand,” aniya.
Kabilang sa mga tinalo ni Nonles ay sina Michael Culasing ng Philippines sa first round, Nathaniel Loyaga ng Philippines sa second round, Kankawee Maneesorn ng Thailand sa third round at Prin Laohawirapap ng Thailand sa seventh at final round.
