PANIBAGONG tagumpay ang hatid ni Ruther Von Arevalo matapos magkampeon sa 2nd Panther 1900 below Non-Master Rapid Chess Tournament na ginanap sa New Prodon Academy of Valenzuela, number 2428 M. Delos Reyes Street, Gen. T. De Leon, Valenuzela City nitong Linggo.
Tumapos si Arevalo na undefeated na may 6.5 points tungo sa top prize P4,000 plus medal.
“My hard work has paid off,” sabi ni Arevalo na giniba si Noel Somera sa kanilang seventh at final round encounter.
Nakalikom naman din si Henry Evangelista ng 6 points gaya ng naikamada ni Arturo Turbanada Jr. subalit nakamit ng una ang runner-up place dahil sa mas mataas ang tiebreak tungo sa P2,000 plus medal. Habang sa panig naman ni Turbanada ay naibulsa ang P1,000 plus medal sa kanyang effort.
Ang mga nakapasok sa top 7-circle ay sina engineer Brent Sasot (5.5 pts.), Noel Somera (5.5 pts.), Louie Avegonza (5 pts.) at Fred Sadongdong (5 pts.). Tumangap sila ng tig P500 plus medals.
