MULING sasabak sa United States si Filipino super bantamweight “Magic” Mike Plania laban sa hindi pa tinukoy na karibal sa ring na posibleng world rated boxer sa Hulyo 26.

Labas-pasok sa world rankings si Plania kahit nanalo sa kanyang huling dalawang laban kina Juan Antonio Lopez ng Mexico via 8-round unanimous decision at kababayang si Nicardo Calamba via 2nd round knockout.

Ayon kay Sanman Promotions big boss Jim Claude Manangquil, kailangan lamang magwagi ni Plania sa kanyang susunod na laban para magkaroon ng world title crack.

“A win for Plania would mean he is ripe enough for a world title shot. He needs to win this one in order to get closer to becoming a world champion,” sabi ni Manangquil sa Philboxing.com. “I believe in the kid’s potential. He works so hard in the gym is always focused. I am grateful to our partners in the US especially to MR Promotions.”

Alex Eala, inakyat ulit new-career high bilang rank 40 sa mundo!

Matagal nang pangarap ni Plania na lumaban para sa world title makaraang mapaganda ang kanyang rekord sa 20 panalo, 1 talo na may 11 pagwawagi sa knockouts.

“I am always thankful to my manager and promoters. My eyes are only focused on one goal and that is to add my name to the Filipino world champions,” ani Plania. “I am always grinding in the gym and will do everything to bring pride to my country and my team.”