ISINANTABI ng mga atleta, Paralympian, at mga Olympian ang nagaganap na ‘power struggle’ sa Philippine Olympic Committee (POC) sa isinagawang ‘unity walk’, sa pagtataguyod ng Philippine Paralympic Committee (PPC) nitong Sabado sa College of Science Oval sa UP Diliman.

PINANGUNAHAN ng Olympian at Paralympic medalists ang isinagawang ‘unity walk’ para isulong ang kapakanan ng mga atletang Pinoy

PINANGUNAHAN ng Olympian at Paralympic medalists ang isinagawang ‘unity walk’ para isulong ang kapakanan ng mga atletang Pinoy

Bahagi ang programa ng isinasagawang kahandaan at kamalayan ng sambayanan para sa hosting ng Southeast Asian Games at ASEAN Para Games.

Tinaguriang ‘Olympic Day and Lakad Para Atleta 2019’, magkakasama at kapit-bisig ang mga atleta, sa pangunguna ng mga premyadong Olympian sa isang makabuluhang pagkilos bilang pagpapakita ng pagkakaisa at kahandaan na maibigay sa bansa ang dangal at karangalan sa biennial meet at sa 2020 Tokyo Olympics.

Sikat na fast-food chain, nagbabalak na ring makipaghampasan sa PVL?

Sikat na fast-food chain, nagbabalak na ring makipaghampasan sa PVL?

Matapos ang torch relay, sinindihan ang cauldron bilang simbolo ng mainit na pagkakaisa ng sambayanang Pilipino sa paghahangad na muling makamit ang overall championship sa SEA Games, bago sinimulan ang Lakad Para Atleta Legacy Walk .Nagbigay din ang Paralympic movement at ang Philippine Olympians Association ng iba’t ibang binhi ng halaman upang maitanim sa loob ng University of the Philippines.

Nagsagawa rin ng exhibition match sa arnis, skateboarding, athletics, karate, underwater hockey, petanque at parasports tulad ng Braille Chess, Wheelchair Racing, at Wheelchair Basketball.

“We are overwhelmed by the show of support from our partners in the government and private sectors, especially Citi Philippines. This is a big push for our national athletes who will be competing for the country in the upcoming

SEA Games this November and the ASEAN Para Games in January 2020!,” pahayag ni PPC President Michael Barredo.

Ikinalugod naman ni Citi Philippines CEO Aftab Ahmed ang ipinamalas na pagkakaisa ng sambayanan at iginiit na buo ang suporta ng kompanya sa hangarin ng Team Philippines na magtagumpay sa SEAG.

“Para Athletes are truly an inspiration as they overcome the odds to achieve and excel with courage and determination. Today is an opportunity for us to become advocates of their cause, so that we can break down the perceptions around disability and push for inclusion and equality for all,” aniya.

Kabuuang 3,000 katao ang nakiiisa sa programa.

Kabilang sa naging torch bearer sina Elma Muros Posadas – Queen of Long Jump, 1984, 1996; Andy Avellana – Athletics, 2012; Roel Velasco – Boxing Bronze Medalist 1992; Ernie Gawilan – Swimming, 201; Christine Jacob Sandejas – Swimming 1984; Jerrold Mangliwan – Wheelchair Racing; 2012; Stephan Fernandez – Taekwondo 1992; Josephine Medina – Table Tennis, Bronze Medalist, 2016; Sen. Freddie Webb – Basketball 1972; at Adeline Ancheta-Dumapong – Para Powerlifting, Bronze Medalist, 2020.