PINATUNAYAN ng Batang Pinoy na may ibubuga sa larangan ng basketball.
Mula sa 68 players – 34 lalaki at 34 babae – napili ang apat na miyembro ng Jr. NBA Philippines All-Stars sa Asia Pacific Team na sasabak sa Jr. NBA Global Championship – torneo para sa kabataan na may edad 13-14 sa Aug. 6-11 sa ESPN Wide World of Sports Complex sa Walt Disney World sa Orlando, Florida. Napahanga nina Camille Nolasco, Heinz Gabriel Demisana, Sebastian Reyes, at Lionel Matthew Rubico ang international coaches , sa pangunguna nina Jr. NBA coaches Carlos Barroca, Rob Newson at Natalia Andre na nangasiwa sa kauna-unahang Jr. NBA Asia Pacific Selection Camp nitong Hunyo 15-16 sa Universitas Pelita Harapan (UPH) sa Jakarta, Indonesia.
Nagmula ang mga kalahok sa bansang Australia, Indonesia, Japan, Korea, Malaysia, New Zealand, Philippines, Singapore, Thailand, at Vietnam.
Biathlon Olympian, binuking panloloko niya sa jowa niya sa post-game interview
Sumabak ang Jr. NBA Philippines All-Star sa dalawang araw na pagsasanay at nakiisa sa skills challenge sa Jr. NBA All-Star Saturday Night tampok ang Jr. NBA Indonesia alumni at Indonesian personalities kabilang ang professional basketball player na si Daniel Wenas, actress and singer Mikha Tambayong, at social media influencers Hadi al Ghifary at Reynal Abipraya.
Isinagawa ang Jr. NBA Philippines 2019 sa pakikipagtulungan ng Alaska, AXA, Gatorade, Globe, Panasonic, Rexona at Vivo.
“Basketball has given me many opportunities with one of them being able to play in the Jr. NBA program. I’m very proud to join the Asia Pacific team competing in the Jr. NBA Global Championship,” pahayag ni Henjz Gabriel Demisana
“When I first saw my opponents, I didn’t expect to be here since they’re so tall, but I brought the Filipino mentality ‘puso’ which helped achieve my goal of being part of the Jr. NBA Asia Pacific girls team,” sambit ni Diane Camille Nolasco
Narito ang kompletong listahan ng Jr. NBA Global Championship Asia Pacific Team.
(BOYS ROSTER): Henjz Gabriel Demisana, Philippines; Joshua Dent, Australia; Tan Zi Sheng Jayson, Singapore; Email Ajmal Bin Jamil, Malaysia; Brian Leonard, Indonesia; Eishin Naito, Japan; Dontae Nance, New Zealand; Sebastian Roy Reyes, Philippines; Lionel Matthew Rubico, Philippines; Tikun Sriphrawiang, Thailand.
(GIRLS ROSTER): Supawadee Aupatum, Thailand; Angelica Jenifer Candra, Indonesia; Reina Fukuo, Japan; Summah Hanson, Australia; Chong Pui Khee, Malaysia; Phung Trang Linh, Vietnam; Diane Camille Nolasco, Philippines; Vanissa Renata Siregar, Indonesia; Lily Taulelei, New Zealand; Iris Yuen, Singapore.
