Naglabas ng ilang road safety tips ang Department of Transportation para sa mga estudyante kaugnay ng pagbabalik-eskuwela sa Lunes.
Ang road safety rules ay bahagi ng programang ‘Oplan Biyaheng Ayos: Balik-Eskwela 2019’ ng DOTr.
Ayon sa DOTr, dapat na maging alerto ang mga estudyante sa pagtawid sa daan, gumamit ng pedestrian lane o footbridge sa pagtawid, tumingin muna sa kaliwa at kanan bago tumawid, gamitin ang sidewalk sa paglalakad, at alamin ang mga safety at pedestrian signal.
Empleyadong lasing, patay matapos sapakin ng ginising na katrabaho
Hindi dapat na gumamit ng gadget ang mga estudyante habang tumatawid, hindi rin dapat na tumakbo sa kalsada, at huwag na huwag maglalaro malapit sa kalsada o sa parking areas.
Sinabi ng DOTr na dapat na maging alerto sa pagbiyahe at paglalakad ang mga estudyante upang matiyak ang kanilang kaligtasan sa pagpasok sa paaralan at sa pag-uwi.
“Bukod sa mga naihandang uniporme at gamit pang-eskuwela, mahalaga rin na sila ay alerto sa kanilang pagbiyahe. Para masiguro ang kanilang kaligtasan papasok at pauwi mula sa paaralan,” ayon pa sa DOTr.
Mary Ann Santiago
