PANGUNGUNAHAN ng incoming University of the Philippines stars na sina Ricci Rivero at Kobe Paras kasama ang Nigerian na si Bright Akhuetie ang UAAP selection na sasabak kontra sa mga piling standouts ng NCAA sa idaraos na Filoil Flying V Preseason Cup All-Star Game ngayong hapon sa Filoil Flying V Center sa San Juan.
Nakatakda namang manuno ang pambatong kambal ng Lyceum of the Philippines University na sina JV at JC Marcelino sa NCAA team.
Bukod sa mga star players ng Maroons, napili rin upang makasama sa UAAP team ang mga La Salle aces na sina Aljun Melecio, Justine Baltazar at Andrei Caracut. Nariyan din sina Adamson hotshot Jerrick Ahanmisi, Jerom Lastimosa at Simon Camacho; Far Eastern University standouts na sina Ken Tuffin at LJ Gonzales; National University starters Dave Ildefonso at John Clemente; ay University of Santo Tomas incoming rookie Mark Nonoy.
Kasama namang bubuo ng Marcelino twins sa NCAA squad ang kakamping si Mike Nzeusseu; Arellano ace playmaker Kent Salado; San Sebastian standout Rommel Calahat; Jose Rizal University veteran guard MJ dela Virgen; San Beda University stars James Kwekuteye, Clint Doliguez at Donald Tankoua; Letran veterans na sina Jerrick Balanza at Larry Muyang; Emilio Aguinaldo College standout JP Maguliano; at Mapua stars Warren Bonifacio at Laurenz Victoria.
