MAY nadaanan kaming litrato ni Seth Fedelin kasama ang isang Mitsubishi staff mula sa Mitsubishi Mirage G4 club na may caption na, “Look who’s our client today. Xpander 2019 is still in promo.”
Natuwa kami para sa bagitong aktor dahil makakabili na siya ng sasakyang kakailanganin niya para sa mga lakad niya lalo na sa tapings niya ng Kadenang Ginto at siyempre para na rin maisakay niya ang pamilya niya kapag wala siyang trabaho.
Kaya tinanong namin kaagad ang manager ni Seth na si Mario Colmenares kung anong sasakyan ang bibilhin niya pero sabi sa amin, “tumitingin palang”, na ibig sabihin ay hindi natuloy ang pagbili nito nang dumalaw siya sa nasabing dealer.
'Back to you mamang!' Chloe, rumesbak kay Ai Ai matapos hiwalayan ni Gerald?
Binanggit din namin kay Mario na puwede naming i-refer si Seth sa kakilala naming manager na si Ms. Dang Balgos ng Citimotors Pasong Tamo branch para sa mabilis na pagsasaayos ng mga dokumento at maski after sales ay asikaso pa rin.
Pero ang kausap na pala ni Seth ay ang tita niyang nagta-trabaho raw sa branch ng naturang store sa Cavite.
As of this writing ay hindi pa alam ng ka-loveteam ni Andrea Brillantes kung ano ang kukunin nitong sasakyan.
Speaking of Seth, ang lakas ng tambalan nila ni Andrea sa KG pero sa totoong buhay ay si Kyle Echarri ang may type sa dalagita dahil sinundan pa niya ito sa Korea nitong Mahal na Araw.
Samantala, malaki ang tulong na nagagawa ng Gold Squad para mas lalong subaybayan ang Kadenang Ginto, kaya naman hataw ito sa ratings game at hanggang 2020 pa ito. Kaya hayun, kabado ang programang Prima Donnas na tatapat sa KG sa Hulyo.
-REGGEE BONOAN
