NADOMINA ng Ghana FC ang Super Eagles, 3-1, nitong weekend para makamit ang kampeonato sa men’s division ng Season 3 Philam Life 7s Football League sa McKinley Hill Stadium.

Kaagad na umabante ang Ghana FC mula sa magkasunod na goal nina forwards Emmanuel Mbata at Daniel Ashley sa unang 10 minuto ng laro tungo sa panalo para maibawi ang kabiguan sa nakalipas na Season’s finals.

Muling pinangunahan ni coach Ayi Bimbo ang koponan.

Nagawang makaiskor ng Super Eagles sa second half mula kay Emmanuel Sylvernu, ngunit matibay na depensa ang inilatag ng Ghana Fc sa mga sumunod na aksiyon para mapigilan ang karibal na makatabla, bago naselyuhan ang panalo sa goal ni striker Junior Sam.

Brandon Clarke ng Memphis, pumanaw sa edad na 29!

“When we scored 2-0 in the first half, Super Eagles’ confidence was really shut down and even if they scored a goal in the second half, we were not worried because I know we can score another goal to seal the win. I knew already that we will get another goal,” pahayag ni Bimbo.

“It was really hard for us to keep it at a clean sheet because of their pressing but I was glad that after they scored their lone goal, my teammates tried their best to score another one to kill their momentum,” sambit ni Steve Waledji.

“When I said that we will go all the way, I meant it. We were not going to think about our opponent, and we just focused on winning. I told (my guys) that this is not a revenge game. I told them that let’s all have fun,” ayon kay Bimbo.

Sa women’s division, tinanghal na unang kampeon ang Outkast F.C. matapos ungusan ang Stallion-Hiraya, 2-1, sa inaugural Philam Life 7s Women’s Football League.

Naunang nakaiskor ang Hiraya mula sa goal ni Aiza Mondero sa opening minutes, ngunit mas naging agresibo ang Outkast sa kabuuan ng laro matapos makapuntos sina veterans Let Dimzon at Loreta Ladero.

“Maganda ‘yung chemistry namin tsaka guided kami ni Coach Let. ‘Yung system na pinasa niya sa amin is maganda kasi siya ang nakakaalam ng lahat ng nangyayari sa loob. ‘Yun talaga nagdala sa amin sa laro na ito. Siya ‘yung utak namin kaya sa kanya kami kumukuha ng tips,” pahayag ni Mea Bernal.

“It feels great. I think what made the victory even better is we first had a hard time in the league, we started at the bottom of the standings. Fast forward to now, we were trailing 0-1 at the half time and we won. (All those hardships) made the victory even better,” sambit ni team manager Keuts Smith.

Sa Philam Life 7s Football League all-star game, ginapi ng Team Foreigner All-Stars, sa pangangasiwa ni coach Danny Kross, ang Bimbo’s Team Filipino All-Stars, 5-nil.

Sinimulan nina strikers Kathy Aihunu at David Asare ang ratsada ng Team Foreigners’ para sa 2-0 bentahe sa first half. Sinundan ito ng goals nina Hamed Hajimehdi, Stacey Arthur, at Ebere Ogochukwu para tuluyang paluhurin ang Team Philippines.

Matinding depensa ang ibinagod nina goal keepers Dini Outtara at Abu Ibrahim para mapigilang ang pagtatangka ng karibal. Kasama rin sa koponan sina Gui Matsunaga, Joaco Canas, Otuyemi Emmanuel, Hideo Muraoka, Petar Sajko, at Tako Odawara.

Pinangunahan naman ang Filipino All-Stars nina Daniel Matsunaga, Anton Del Rosario, Roberto Orlandez, Roberto Corsame, Cedric Hodreal, Rafael Halili, Mateo Yuhico, Amanda Fernandez, at Joyce Semacio.