Nasangkot kamakailan sa isang kontrobersiya ang isang bar sa Ohio dahil sa “menstruation-themed cocktail” nito.
Sa ulat ng United Press International, nag-viral online ang Yuzo bar matapos nitong ilabas sa Facebook page ang kanilang "Even Can't Literally," isang blood-colored berry margarita na may tampon applicator bilang garnish.
Binatikos ng ilang social media user ang inumin na isang pangmamaliit umano sa kababaihan, bagamat iginiit ng bartender na si Sarah Krueger na ang ginawa niyang cocktail ay nangangahulugang “raising women's health awareness.”
Aniya, $1 sa kada bibili ng nasabing inumin ang mapupunta sa Domestic Violence and Child Advocacy Center sa Cleveland.
WFH employee, nagbigay-pugay sa supportive niyang ina: 'Dahil pala sa kaniya...'
"We also decided if someone doesn't want the actual tampon in their drink, they can donate that tampon as well. They can get the drink and say 'donate the tampon, we just want the drink' and we'll still donate the dollar to the woman's shelter," aniya.
Hindi rin nangangamba ang may-ari ng bar na si Dave Bumba sa mga batikos na maaaring matanggap.
"I agree there is controversy, but at the same time I think it's great they have found a way to get people talking about some of the needs. So this is a small way to bring awareness to real good causes that we are behind," aniya.
