Nakakasa ang manhunt operation laban sa lalaking nagpakilalang alyas "Bikoy", na nasa likod ng "Ang Totoong Narco-list" videos, kinumpirma ngayong Biyernes ng Philippine National Police (PNP).

Ayon kay Police General Oscar Albayalde, PNP chief, mayroon na silang kopya ng dalawang warrants of arrest laban kay Peter Joemel Advincula at sa mga kasabwat nito para sa estafa at large-scale illegal recruitment.

Si Advincula ay may standing warrant of arrest para sa estafa, na inisyu ni Judge Leody M. Opolinto, ng La Trinidad, Benguet Municipal Trial Court na may petsang Setyembre 26, 2007, at para sa large-scale illegal recruitment, na inisyu ng Baguio City RTC Third Branch na may petsang Agosto 10, 2007.

Cielo Magno, bet masilip Blue Ribbon Committee report na ayaw pirmahan ni Sen. Robin Padilla

"[A] manhunt operation is underway to find him and to serve the pending warrants of arrest against Advincula and his cohorts," ayon kay Albayalde.

Samantala, pinagbibitiw ni Solicitor General Jose Calida si Integrated Bar of the Philippines (IBP) President Abdiel Abdiel Dan Elijah Fajardo, sa pagpayag kay Advincula na magpatawag ng press conference sa tanggapan nito.

“Fajardo has turned the IBP into a highly politicized organization, when it should advance the rule of law and stand for truth and justice,” pahayag ni Calida.

"He is a disgrace to the IBP," diin ng Solicitor General.