Mga Laro Ngayon

(Ynares Sports Arena)

12:00 n.t. -- Metropac-San Beda vs Marinerong Pilipino

2:00 n.h -- Batangas-EAC vs Petron-Letran

4:00 n.h. -- Che’Lu Bar and Grill vs AMA Online Education

'Keep it up!' Manny Pacquiao, proud na proud kay Alex Eala

MAKABALIK sa winning track upang patuloy na palakasin ang tsansa nilang umabot sa playoff ang tatangkain ng Petron-Letran ngayong hapon sa pagsabak nila kontra Batangas-EAC sa pagpapatuloy ng 2019 PBA D League sa Ynares Sports Arena sa Pasig.

Magtutuos ang dalawang koponan ganap na 2:00 ng hapon kasunod ng pambungad na laro ganap na 12:00 ng tanghali sa pagitan ng Metropac-San Beda at Marinerong Pilipino.

Kasalukuyang nasa ikatlong puwesto ng Aspirants Group hawak ang barahang 5-3 kasalo ng Go-for-Gold-CSB ang Knights kasunod ng Ironcon-UST at St.Clare College-Virtual Reality na may markang 5-2.

Sisikapin nilang makabangon buhat sa natamong 87-107 na kabiguang natamo nila sa kamay ng Go-for-Gold noong Mayo 2.

Liyamado sila kontra Generals na laglag na sa kontensiyon sa taglay nitong barahang 2-6.

Gaya ng Knights, pagbangon din buhat sa natamong kabiguan sa huli nilang laban ang target ng Metropac-San Beda sa pagharap nila sa Marinerong Pilipino na hangad namang patuloy na buhayin ang tsansang makahabol sa top 4 ng Foundation Group.

Bigo ang Movers sa kamay ng Valencia City-San Sebastian noong Martes ng hapon, 92-96 na nagbaba sa kanila sa ikalawang puwesto ng Foundation Group taglay ang barahang 6-2.

Lubha namang malalim ang tatangkaing ahunin ng Skippers sa kinalalagyan nitong ikalimang posisyon hawak ang kartadang 3-4 upang umabot ng playoff round.

Samantala sa huling laban, palalakasin ng Chelu Bar and Grill ang pag-asang maangkin ang isa sa tatlong nalalabing playoffs berth sa Aspirants Group sa pagsagupa nito sa AMA Online Education (2-4)sa tampok na laban ganap na 4:00 ng hapon.