NAISALBA ng General Trias ang malamyang simula para magapi ang Binangonan, 94-75, at kompletuhin ang even-game sweep sa elimination round ng Community Basketball Association Pilipinas (CBA) Founders Cup nitong Linggo sa Binangonan Recreation and Conference Center.

Nagsalansan si Marlito Escobal ng 18 puntos, apat na rebounds, tatlong assist at dalawang steals, para pangunahan ang Braves.

Nag-ambag si Mark Guillen ng 12 puntos at 10 rebounds sa Braves, tanging koponan na may malinis na marka sa two-group, 16-team tournament na binuo at inorganisa ni actor-director Carlo Maceda.

Nanguna si Justin Leal at Felipe Chavez na may tig 14 puntos sa Binangonan na may 3-4 karta.

Romualdez sa Araw ng Kalayaan: 'Di lang pag-alala kundi pagprotekta rin sa kinabukasan'

Sa isa pang laro, nanaig ang Rizal sa Paranaque, 81-76, para sa unang panalo sa animna laro.

Iskor:

General Trias (94) -- Escobal 18, Bondoc 14, Melencio 13, Guillen 12, Evangelista 8, Laureno 7, Dejito 6, Delos Santos 4, Rivas 4, Rosales 2, Tajonera 0.

Binangonan (75) -- Leal 14, Chavez 14, Alade 13, Picones 10, Tumalon 5, Cuyong 4, Colot 4, Oduca 3, Valle 3, Laostales 3, Agulto 2, Anore 0, Roca 0.