NAPAGKATUWAAN ni Davao City Mayor Sara Duterte si Sen. Jinggoy Estrada at ibinisto sa harap ng madlang people ang ginawang pambabasted daw ni Sharon Cuneta sa dating senador.

Jinggoy

Sa campaign caravan ng Hugpong ng Pagbabago (HNP) sa San Andres Sports Complex sa Maynila kamakailan, hindi nagpaawat ang presidential daughter sa pagkukuwento sa naging panliligaw noon ni Jinggoy sa idolo ng alkalde na si Sharon.

“Alam n’yo po ang idol ko na artista ay si Sharon Cuneta. Kahit araw-araw kami magpa-picture, gagawin ko ‘yan, hindi ako magsasawa,” pagbabahagi ni Mayor Sara.

Matet De Leon, ibinuking kung anong klaseng ina si Nora Aunor

Nang nalaman ito ni Jinggoy ay tumabi ito sa alkalde, at nagkuwento sa nakaraan nila ng Megastar.

“Idol mo pala si Sharon Cuneta. Pareho tayo, alam mo bang gustung-gusto ko rin ‘yan si Sharon Cuneta. Niligawan ko ‘yan,” kuwento ni Mayor Sara sa istorya sa kanya ni Jinggoy.

Usisa ng Mayora: “So, anong nangyari sa love life n’yo, Sen?”

“Hay naku, paano ka ba naman lalaban kay Gabby Concepcion?”

“Binasted siya ni Sharon Cuneta!” pambubuking ni Mayor Sara kay Jinggoy sa harap ng libu-libong dumalo sa campaign rally sa kapitolyo ng lungsod.

Hindi naman napigilan ng mayor na matawa sa kanyang panunukso sa dating senador, lalo na at isa sa mga nakikinig ang butihing maybahay ni Jinggoy na si Precy Vitug Ejercito.

Wala namang nagawa si Jinggoy at napangiti na lang sa rebelasyon ng Mayor Sara.

Sa huli ay inilahad ni Mayor Sara na matagal nang kaibigan ng kanyang ama na si Pangulong Rodrigo Duterte si Jinggoy at ang pamilya Estrada.

“Siya po ay matagal nang kaibigan ni President Duterte. Early 2000s, 1990s, magkakilala at magkaibigan na sila. Pareho silang naging mayor, pareho silang ‘Anak ng Masa’,” bumawing sabi ni Mayor Sara.

-MERCY LEJARDE