ISANG wide open race ang inaasahang magaganap sa pagsargo ng 2019 J&P 9-Ball Cup Championships sa Mayo 3 na gaganapin sa Superbowl Makati Cinema Square sa Makati City.
Magtatagisan ng husay ang top amateur cue artist mula Metro Manila at kalapit na probinsiya sa 9 billiards tournament kung saan si International Billiards/Snooker Champion Marlon Manalo ng Patrol Party-list ang mangunguna sa simple opening ceremonies bago magsimula ang competition.
Inaasahan hihikayatin ni Manalo ang mga participants sa 9-ball competition na ipagpatuloy ang kanilang napiling sport. Ibabahagi niya rin ang kanyang sikreto na nagamit niya para maging world’s top cue artists at snooker specialist.
Si Francis Mateo na sariwa pa sa kampeonato sa Makati Pool Players Association (MAPPA) Predator-Wilde Blu 8-Ball Cup nitong Abril 7 ang top favorite sa event na magkatuwang na inorganisa nina long-time billiards patron sportsman/businessman Aristeo “Putch” Puyat at DMC Entertainment and Production management boss Jesse Gonzales Cambosa Sr., na may total pot prize P108,000 sa mga magwawagi sa Games and Amusements Board (GAB) sanctioned tournament.
Kabilang sa mga inaasahang magbibigay ng magandang laban kay Mateo ay sina 2019 China World Police and Fire Games lone representative Staff Sgt.Eric "Billiard Cop" Bayhon, engineer Vergel Recaido of Copper Electronics Expertise Inc., Blogger Leslie “Anitokid” Mapugay, Geona Kristine Gregorio, Dr. Christian Mancao, Broadcaster Sam Nielsen Sarmiento, Banker Mel Austria, Businessman Michael Cua, Esteban Robles, Artist Popoy Cusi, expat players Tim Gosnell, Jean Michel Berille, Jason Pye, Ronnie Gonzales, call center employee Trexie Alix, Jamie Evangelista at Architect Eric Salud.
“J&P is basically an executive type of amateur pool tournament and acknowledge as the most popular pool amateur tournament in the country.” sabi ni Jesse Gonzales Cambosa Sr., director ng Billiards Sports Confederation of the Philippines (BSCP) under ng leadership ni Aristeo “Putch” Puyat.-