PORMAL nang ipinakilala ang 24 na kandidatang magtutunggali para sa titulo ng Festival Queen o Reyna ng Aliwan 2019 sa press nitong Lunes.

Nagpo-produce ang Manila Broadcasting Company ng taunang cultural extravaganza katuwang ang Cultural Center of the Philippines at ng lungsod ng Manila at Pasay.

Ang mga kandidata mula sa Luzon ay sina Kimberly Naz para sa Antipolo Maytime festival, Lyka Velena (Boling Boling festival ng Catanauan, Quezon), Gezza Avila (Niyogyugan festival ng Quezon Province), Roi Neve Comanda (Panagbenga festival ng Baguio), Cinderella Salilican (Pangisdaan festival ng Navotas), Jhan Nicole Ambata (Paru- Paro festival ng Dasmarinas, Cavite), Aubrhie Cindyrelle Carpio (Singkaban festival ng Bulacan), Kizia Jermaine Maligalig (Tagultol Fishing festival ng Antimonan, Quezon), at Leandrea Gabrielle Batingan (Tanglawan festival ng San Jose Del Monte, Bulacan).

Ang mga delegado naman mula sa Visayas region ay sina Nicole Borromeo (Sinulog festival ng Cebu), Milca Romares (Salapan festival ng Pulupandan, Negros Occidental), Cassandra Marie Lee (Sangyaw festival ng Tacloban City), Angelic Olmedo (Pintados de Passi festival ng Passi City, Iloilo), Charlotte Arcena (Pasaka festival ng Tanauan, Leyte), Ruffa Nava (Hirinugyaw Suguidadonay festival ng Calinog, Iloilo), at Debrah Belen Villaflores (Buglasan festival ng Dumaguete, Negros Oriental).

Tsika at Intriga

Ethan David sa 'grooming' issue: 'I was the 13 yrs old being referred to!'

Ang mga contestant naman mula sa Mindanao ay sina Alayzza Izzabelle Tolimao (Agten Tufi festival ng Tupi, South Cotabato), Ma. Kristina Ramos (Cocowayan festival ng Isabela, Basilan), Honey Be Parrenas (Kalimudan festival ng Sultan Kudarat), Angelin Simmer Fernandez (Kalivungan festival ng North Cotabato), Frenzie Dione Escalada (Muna To festival ng Sarangani), Merhyl Kit Angeline Paraluman (Tuna festival ng General Santos City), at Princess Serdenia (Zamboanga Hermosa festival).

Ang tatanghaling Festival Queen ngayong taon ay tatanggap ng P100,000 cash at trophy, plus the chance na maging goodwill ambassadress para sa domestic tourism.

Ang mga naunang nagwagi sa timpalak ay lumahok sa international beauty contests at nagkaroon din ng tracked careers sa professional modelling. Kabilang sa mga nagwagi rito at naging national at international queens ay sina Sharifa Akeel, Jamie Herrel, Rogelie Catacutan, at Cynthia Thomalla.

Ang pageant night ay gaganapin sa outdoor stage sa tapat ng Aliw Theater sa CCP Complex sa April 26. Susundan ang coronation night ng grand parade at festival dance showdown sa April 27.