KAPWA natalo ang mga Pinoy boxer na sina one-time world title bantamweight challenger Jason Canoy at dating WBO minimumweight champion Merlito Sabillo sa kanilang mga pagsagupa sa Mexican boxers nitong Abril 13 sa Arena Monterrey, Monterrey, Mexico.
Nagsilbing undercard ang mga laban nina Canoy at Sabilllo sa depensa ni WBO super welterweight champion Jaime Munguia na nagwagi sa puntos laban kay Dennis Hogan ng United Kingdom.Sa kanyang ikalawang laban sa Mexico, natalo sa 8-round unanimous decision si Canoy laban sa undefeated na si Irving Turrubiates.
Sa kanyang huling laban sa Mexico, natalo si Canoy via 3rd round knockout kay ex-WBC bantamweight champion Luis Nery sa kanilang sagupaan para sa WBC Silver 126 pounds title noong Oktubre 6, 2018 sa lalawigan ng Tijuana.
Natalo naman si Sabilllo kay WBC Silver light flyweight titlist Daniel Valladares sa 7th round TKO sa kanilang 8-round bout.
-Gilbert Espeña
