INULAN ng pagbati si Yasmien Kurdi sa social media makaraang i-post niya ang graduation photo niya na may medalya, dahil Magna Cum Laude siya sa pagtatapos niya ng Political Science sa Arellano University nitong Sabado.
Kabilang sa maraming nag-congratulate kay Yasmien si Direk Gina Alajar: “Wow!!! Super duper congratulations, Yas!!! What an achievement!!!”
Sabi naman ni Rodjun Cruz: “Congrats, ikaw na @yasmien_kurdi Lodi talaga kahit super busy.”
Binati rin si Yasmien nina Diana Zubiri, Jona, Kakai Bautista, Shaira Diaz, Lovi Poe, Ana Roces, Betong Sumaya, at iba pa.
Andi Eigenmann, pinabayaan na raw ba talaga sarili niya?
Bumati rin siyempre, ang husband niyang si Rey Soldevilla: “Congratulations, Pangga!!! We are sooo proud of you!”
Parang hindi sa pagga-graduate ng AB Political Science magtatapos ang pag-aaral ni Yasmien. Sa presscon kasi ng morning series niyang Hiram Na Anak, nabanggit ng aktres na balak pa niyang kumuha ng Master’s Degree.
Nag-post din siya kamakailan: “Buhay estudyante, naiisip ko pa lang ngayon na next week na pala ako magmamarcha, nami-miss ko na agad mag-aral. #ilovestudying #missingschoollife #politicalsciencestudent.”
Nakakabilib si Yasmien, dahil kahit may teleserye siya sa GMA-7, tuloy lang ang kanyang pag-aaral.
Airing ngayon ang pinagbibidahan niyang Hiram Na Anak, at lalo siyang gaganahang mag-report sa taping dahil natupad na—finally—ang pangarap niyang mag-graduate sa college.
Minsan na ring siniguro ni Yasmien na hindi niya iiwan ang pag-aartista.
-Nitz Miralles
