Laro Bukas

(Rizal Memorial Baseball Stadium)

12 noon – DLSU vs Ateneo (Baseball Finals)

HUMIRIT ng winner-take-all Game 3 ang Ateneo matapos nitong bumalikwas mula sa 7 -9 na kabiguan sa Game 1 sa UAAP Season 81 Baseball Finals.

Pumalo si Gino Tantuico ng two-run home run sa bottom ng 7th inning upang pamunuan ang Blue Eagles sa 7-3, panalo kontra De La Salle sa Game 2 noong Martes at itabla sa 1-1ang championship series sa Rizal Memorial Baseball Stadium.

Manny Pacquiao, nag-ceremonial first pitch sa gitgitan ng Yankees at Athletics

Nagdeliver ng apat na hits si Javi Macasaet habang bumato ng walang palitan sa loob ng siyam na innings si pitcher Miggy Angeles upang pangunahan sa pagtabla sa series ang Blue Eagles.

Kahit natalo noong Game 1, hindi nawala ang tiwala ni Blue Eagles coach Boc Bernardo na kaya nilang solusyunan ang problema nila sa La Salle.

“Sabi ko nga, yung ninth-inning barrage nung Game One gave us the confidence that we can beat La Salle offensively and defensively. Now, it showed. We did not take any opportunity for granted. Everything went as played,” pahayag ni Bernardo.

Nagposte ng perpektong 4-of-4 at-bat ang shortstop na si Macasaet habang nagtala naman ng 3 hits at 4 na RBI’s (Runs Batted In) si Tantuico.

“They are the heart of our offense. Javi was unstoppable. Unfortunately, he had cramps and was a little liability on defense but his offense more than made up for it,” aniya.