HINDI binigo ni Filipino Brave Combat world champion Stephen Loman ang sambayanan nang maitala ang impresibong TKO panalo laban kay Elias ‘The Smile’ Boudegzdame ng Bahrain para mapanatili ang bantamweight title sa Brave 22: Storm of Warriors Biyernes ng gabi sa MOA Arena.

Magkahalong pananabik,pangamba at kalungkutan ang bumalot sa katauhan ng 27-anyos Baguio City bet at miyembro ng pamosong Team Lakay sa unang pagkakataon na lumaban sa harap ng mga kababayan at pagkasawi ng malapit na tiyuhin.

“This is the first time I fought under the Brave promotion here in the Philippines. Masaya at excited, and at the same time malungkot dahil namatay tiyuhin ko,” pahayag ni Loman sa post-fight interview.

Romualdez, pinasalamatan tennis player na si Alex Eala

Matikas na nakihamok ang karibal ng Bahrainian at ilang ulit na munting nitong matake-down ang Pinoy champion kung hindi sa matikas na depensa ni Loman sa stand-up duel.

Sa ikaapat na round, nagpalitan ng suntok ang parehong striker, ngunit nagwa pa ring malusutan ni Loman ang pagtatangka ng karibal na maipit siya sa sahig ng octagon.

Sa pagpalo ng warning bell hudyat  para sa huling 10 segundo, nagsimulang dumagundong ang hiyawanna ‘Loman, Loman, Loman’ dahilan para makakuha ng higit nalakas ang Pinoy at mataaman ng left hook ang karibal.

Sa pagbagsak nito, kaad siyang kinubabawan ni Loman at mabilis na itinigil ng referee ang laban sa opisyal na oras na 2:59.

“Natyempuhan ko din. Nang marinig ko yung warning goojng to the final 10 seconds, ibinigay ko na nang todo, nang sumagsak, nirapido ko na, medyo parang nagulat pa yung referee kaya napatingin ako sa kanya, buti naman itinigil yung laban, before tumunog yung final bell,” sambit ni Loman, naidepensa ang titulo sa ikatlong pagkakataon.

“I would like to dedicate this fight to my family and teammates. But was also to my uncle, who passed away this month. This was for him, definitely,” pahayag ni  Loman, tanging Pinoy world champion sa Brave Combat Federation,  nangungunang MMA promotion sa Middle East at African continent.

“Nagpapasalamat ako sa suporta ninyon lahat,” aniya sa nagdiriwang na crowd na kinabibilangan nina Games and Amusement Board (GAB) Chairman Abraham ‘Baham’Mitra at Commissioner Eduard Trinidad.

Sa co-main event, nakuha ni Rolando Dy, anak ni dating boxing world champion Rolando Navarette, angpaghanga ng crowd sa impresibong TKO win sa first round kontra sa dating walang talong si Mehmosh Raza ng Bharain.

“This is the first time I fought inform of my kababayan, that’s why I want them to witness a historic victory,” pahayag ng 26-anyos mula sa General Santos City.

Nagwagi naman si Jeremy Pacatiw sa kababayan na si Marc Alcoba, habang naungusan ni Kiwi John Brewin si Irishman Cian Cowley via decision sa isa pangco-main event ng nine-match card.

Sa preliminary card, nagwagi si Harold Banario kontra Ariel Oliveros via submission (armbar) sa bantamweight class;tinalo ni Jayson Margallo si Rex de Lara via unanimous decision; nagwagi si Abdul Hussein kontra John Cris Corton via submission (ninja choke) sa featherweight; nanaig si Hussain Ayyad kontra Jason Vergara via submission (triangle choke) sa flyweight class at nagwagi si Jomar Pa-ac kontra Sataya Behuria ng Bahrain via unanimous decision.

Ang Brave 22 ay pinangangasiwaan ni His Highness Sheikh Khalid bin Hamad Al Khalifa ng Bahrain.