MAUPO at magrelax. Para sa fight fans, isang blockbuster match ang mapapanood ngayong Linggo sa FOX+ para sa live stream mula sa Las Vegas, Nevada, ng UFC 235 fight cards.
Tampok ang dalawang championship title bouts at UFC debut sa nakalinyang star-studded main cards, tampok ang pagdepensa ni Light Heavyweight king Jon Jones sa korona laban sa mapanganib na challenger na si Anthony Smith.
Sa co-headlining bout, magtutuos sina defending UFC Welterweight Champion Tyron Woodley kontra No.2 ranked Kamaru Usman, hataw sa kanyang 13-fight winning streak.
Itatampok din sa UFC 235 ang pinakahihintay na UFC debut ni dating Bellator Welterweight Champion at ONE Welterweight Champion Ben Askren kontra dating welterweight champion Robbie Lawler.
Romualdez, pinasalamatan tennis player na si Alex Eala
Tiyak din ang maaksiyong duwelo sa pagitan nina Cody Garbrandt, target makabawi mula sa magkasunod na kabiguan kay T.J. Dillashaw, kontra 7th-ranked Pedro Munhoz sa Bantamweight division.
Magtutuos naman sa Women's Strawweight bout sina Tecia Torres at Weili Zhang matapos ang walong laban sa preliminary card.
Nasaan ka man, mae-enjoy ang aksiyon sa UFC 235 sa pamamagitan ng FOX+ sa inyong mobile devices, computers, Apple TV at select Android TVs. I-download ang FOX+ mula sa App Store at Google Play Store. Para sa karagdagang detalye, bisitahin ang foxplus.com.
