TUTULAK na ang 1st MSI Konstruct Cup Team Tournament Apatan 2100 and below Chess Team Tournament sa Marso 31 sa Alphaland Southgate Mall, Edsa Magallanes sa Makati City.
Ang team composition na may average rating of 2100 and below ay binubuo ng apat na manlalaro, may titulo man o wala kung saan ang chess master ay sa board one maglalaro ayon kay tournament organizer Mark Oliver S. Ingcad sa National Chess Federation of the Philippine to be sanctioned tournament.
Nakataya ang P40,000 plus trophy sa magkakampeon na koponan sa one-day event na pangangasiwaan ni Chief Arbiter Alexander “Alex” Dinoy ng Chess Arbiter Union of the Philippines na ipapatupad ang 20 minutes plus five seconds delay time control format via seven round Swiss-System.
May maibubulsa din ang second hanggang seventh placers na cash prizes na tig worth P25,000, P15,000, P10,000, P8,000, P5,000 at P3,000 sa pagkakasunod.
Romualdez, pinasalamatan tennis player na si Alex Eala
May special prizes din sa top team performer sa Best High School team, Best College team at top 50 years old and above na tig P3,000. May kasama ding tatlong (3) raffle entry worth na tig P3,000.
Ang registration fee ay P3,300 sa early birds hanggang Marso 28, 2019. Habang ang on-site registration fee ay magtataas ng P500 at magiging P3,800 sa Marso 31.
